ئامارا ئێزدیان ل عيراقێ ب چ شێوەییە؟

ئێزدی ئاینەكی كەڤن و دێرین یێ عیراق و كوردستانێ یە د دیرۆكێ دا 74 جاران راستی فەرمان و تالان و وێرانێ هاتییە و ل 3 تەباخا 2014 دوماهیك فەرمان ل سەردەستێ دەولەتا ئسلامی ل عێراق و شامێ بناڤێ داعەشێ ل شنگالێ رابویا ، دیارە كو پتریا ئێزدیان ل شنگالێ و گوندێن بسەرڤە دژین هەروەها ل قەزایا شێخان و هندەك جهێن دی.

ل دووماهیك ئامارا نڤیسینگەها رەڤاندیاندا دیاربوو كو ژمارا ئێزدیان ل عێراق و كوردستان بشتی فەرمانا 3ێ تەباخا 2014ێ ب نێزیكی دگەهیتە 550.0000 كەسان
ژمارا ئاوەرەبوویان ژبەر هێریشا داعەشێ گەهشتیە 360.000 كەسان
هەروەها ژمارا وان كەسێن ڤەگەریاینه سەر مال و حالێن خوە ل شنگالێ دگەهیتە 150.000 كەسان
ژمارا وان كەسێن ل رۆژێن یەكەم یێن فەرمانێ هاتینه شەهید كرن 1293 كەس بوون .
ژمارا وان زارۆكێن ل فەرمانێ ێختیم بووین 2745 زارۆكبوون
ژمارا وان گۆرێن بكۆم یێن هاتینه دیتن ل شنگالێ هەتا نهۆ دبیتە 82 گۆرێن بكۆم .
ژمارا وان مەزارگەھ و مەرقەدێن ئێزدیان یێن هاتینه پەقاندن ژبال داعەشێ ڤە ل دەمێ فەرمانێ 68 مەرقەد و مەزارگەھ بوون.
ئەو كەسێن ژ ئەگەرێ فەرمانێ كۆچبەر بووینە وەلاتێن ژدەرڤە  زێدەتربوون ژ 100.000 كەسان .
ژمارا وان كەسێن ل دەمێ فەرمانێ كەفتینه ددەستێ تیرۆرستان دا 6417 كەسبوون ژوانا :
3548 كەس ژ رەگەزێ مێ
2869 كەس ژ رەگەزێ نێر بوون
هەردیسان ژمارا گشتی یا وان كەسێن رزگاربووین ژ دەستێ داعەشێ 3550 كەس بوون ژوانا :
1206 ژنك بوون
339 زەلام بوون
ژمارا زارۆكێن مێ یێن رزگاربووین 1049 بوون.
یێن نێر 956 زارۆكبوون.
ژمارا وان كەسێن ل ژێر دەستێ داعەشێ دا هاتینه شەهید كرن و تەرمێن وان هاتینه دیتن 104 كەس بوون .
هەروەها ئەو كەسێن هەتا نهۆ لژێر دەستهەلاتا داعەشێ ماین ژمارا وان 2763 كەسن ژ وان كەسێن لژێر دەستێن وان :
1293 كەس ژ رەگەزێ مێ ینه.
1470كەس ژ رەگەزێ نێرن .

ئەڤ زانیاریە ل گۆرەی دوماهیك ئامارا نڤیسینگەها رزگاربویێن ئێزدی یە و ژ ژێدەرێن باوەرپێكری هاتینه وەرگرتن.
PUKmedia  خێرۆ گرعزێری