قوباد تاڵه‌بانی: هێشتا برینی شه‌نگال ساڕێژنه‌بووه‌

قوباد تاڵه‌بانی جێگری سه‌رۆكی ئه‌‌نجومه‌‌نی وه‌‌زیران له‌ساڵیادی كاره‌ساتی شه‌نگالدا راگه‌یه‌نراوێك بڵاوده‌كاته‌وه‌و ئاماژه‌ بۆ ئه‌وه‌ده‌كات، هێشتا هه‌نگاوه‌كانی ساڕێژكردنی ئه‌م برینه‌ قووڵه‌ له‌ ئاستی پێویستدا نین.

ده‌قی راگه‌یه‌نراوه‌كه‌...
خوشك و برایانی ئێزیدی
ڕۆژی 3ی ئاب حه‌وت ساڵ به‌سه‌ر مه‌رگه‌ساتی شه‌نگال و جینۆسایدی ئێزیدییه‌كاندا تێده‌په‌ڕێت. ساڵیادی ئه‌م تاوانه‌ قێزه‌ونه‌ نامرۆڤانه‌یه‌، ده‌بێت هانده‌رمان بێت بۆ ڕێگرتن له‌ دووباره‌بوونه‌وه‌ی كوشتنی جیاوازییه‌كان و به‌ كۆیله‌كردن و كوشتاری دڵڕه‌شانه‌ی مرۆڤ له‌سه‌ر بیروباوه‌ڕ و جیاوازی ناسنامه‌ و ره‌چه‌ڵه‌ك. به‌داخه‌وه‌ هێشتا هه‌نگاوه‌كانی ساڕێژكردنی ئه‌م برینه‌ قووڵه‌ له‌ئاستی پێویستدا نین، به‌ هه‌موو توانامان پشتیوانی له‌ كۆی ئه‌و هه‌نگاوه‌ ناوخۆیی و ده‌ره‌كیانه‌ ده‌كه‌ین كه‌ له‌پێناو گێڕانه‌وه‌ی كۆمه‌ڵگای ئێزدیدا بۆ ژیانی ئاسایی ده‌‌گیرێنه‌‌به‌‌ر، له‌مباره‌یه‌وه‌ هیوا و داواكاری زیاترمان له‌ ده‌وڵه‌تی عیراق و كۆمه‌ڵگای نێوده‌وڵه‌تی هه‌یه‌.

قوباد تاڵه‌بانی
جێگری سه‌رۆكی ئه‌‌نجومه‌‌نی وه‌‌زیران

PUKmedia تایبه‌ت