riklam

جڤاتا روحانی یا ئێزدیان داخازا جینوساید ناسینا كارەساتا شنگالێ دكەت

کوردستان 11:37 AM - 2021-08-03

ئەڤرو حەفت سال ل سەر كارەساتا شنگالێ دەرباز بوون، كو ل روژا 3 تەباخا سالا 2014 چەكدارێن داعش ێن تیرورست ،هێرشی قەزا شنگالێ وگوند و كومەلگەهێن سەرب ڤێ قەزایێ كرن ، وكومەلكوژی دگەل كوردێن ئێزدی ئەنجامدان ، وب سەدان ژن وزاروك وپیرو كال بونە قوربانی  و ب سەدان ژن وكچێن ئێزدی ل سەر دەستێ ڤێ رێكخراوا تیرورست هاتنە رەڤاند ، هندەك ژ وانا هاتینە رزگاركرن، وهندەكان ژی هێشتا چارەنڤیسێ وان نەدیارە ، و بدەهان گورێن ب كوم ێن قوربانێن ڤێ كارەساتێ ل وێ دەڤەرێ هاتینە هەلكولان، وب هزاران كوردێن ئێزدی ئاوارە، و پەنابەربوینە ، جڤاتا روحانییا یا ئێزدیان داخوازكر كۆمەڵكوژیا ئێزدیان ل سەر ئاستێ‌ نێڤدەولەتی وەكو جینۆساید بهێتە پێناسەكرن و چارەنڤیسێ ڕەڤاندیێن ماینە د دەستێ‌ ڕێكخستییا داعشدا بهێتە ئێكلاكرن.

د ڕاگەهاندنەكێدا كو بهەلكەفتا حەفتەمین ساڵڕۆژا كارەساتا شنگال بەڵاڤكر، جڤاتا روحانییا ئێزدیان، داخواز ژهەردوو حكومەتێن هەرێما كوردستانێ و عیراقێ و جڤاكێ نێڤدەولەتی كر، چارەنڤیسێ كچ و ژن و زارۆكێن ماینە ددەستێ ڕێكخستییا داعشدا  ئێكلا بكەن، و جەخت لسەر وێ چەندێ كر، حكومەتا عیراقێ كۆمەڵكوژیا ئێزدیان وەكو جینوساید بدەتە نیاسین.

دهێتە زانین، پەڕلەمانێ كوردستانێ كۆمەڵكوژیا ئێزدیان وەكو جینۆساید دایە نیاسین، ل ناڤەڕاستا تیرمەها دەربازبووی ژی،  ئەو كەیسە ژلایێ پەڕلەمانێ بەلژیكا ڤە وەكو جینوساید هاتە پێناسەكرن.

ژلایەكێ دیڤە ئەڤرو سەروكئ حكومەتا هەرێمێ دپەیامەكێدا راگەهاند: كو نها ب هەفكاری دگەل حكومەتا ناڤەندی كار بو ئارامكرن ، وڤەگەراندنا خەلكێ قەزا شنگالی دهێتە كرن ، وهەروەسا گوت ژی دێ هەمی هەول بزاڤا مەزێخین ژ بو ڤەگەراندنا وان كچ ژنێن ئێزدی ئەڤێن تا نها ماینە دەستێ تیرورستێن داعشدا.

PUKmedia  بەیار ئامێدی

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket