ل گوندێ وەردیێ هەفتەمین سالڤەگەرا جینۆسایدا ئێزدیان ل شنگالێ هاتە ب بیر ئانین

گوندێ وەردیێ یەک ژ وان گوندێن باشوری چیایێ شنگالێ یە ل دەمێ هێریشا دەولەتا ئسلامی ل عێراق و شامێ بناڤێ داعەشێ ل شنگالێ گوندێ وەردیێ ژی یەک ژ وان گوندان بوو کو کەتە بەر بایێ هێریشێ و ب دەهان کەچ و بووک و خۆرت و بیر کەفتنە د دەستێ داعەشێ دا و ب دەهان گەنج ژ خەلکێ گوندی ل وێ فەرمانێ هاتنە شەهید کرن، ئەڤرۆ و ل سالڤەگەرا هەفتێ یا جینۆسایدێ  چرایێن شەهیدێن گوندی هاتنە هەلکرن و کۆمکوژیا ئێزدیان ژی هاتە ب بیرئانین شەرمەزارکرن.


لقمان براهیم یەک ژ خەلکێ گوندێ وەردیێ یە  ژ کەس و کارێن گرتیێن دەستێ داعەشێ یە ، داخوازیێ ژ رێکخراوێن نیڤ دەولەتی و  مافێن مروڤی دکەت کو گرتیێن وان ژ دەستێن داعەشێ بێنە رزگارکرن و ڤەگەرنە ناڤ کەس و کارێن وان ژبەرکو رەوشا وان ل ناڤ دەستێن دەولەتا ئسلامی دا گەلەک یا خرابە و رۆژانە زولم و زۆرداری لێ دهێتە کرن .


هەروەها ئاسیا خودێدا کچەکا تەمەن بیست و ئێک سالە خەلکا گوندێ وەردیێ یە رزگاربوویا دەستێ تیرۆرستێن داعەشێ یە بۆ  PUKmedia ئاشکرا کر کو هەتا نهۆ دایک و باب و خوشک و برایێن وێ و زێدەتر ژ 50 کەسان ژ مالباتا وێ ل ناڤ دەستێن داعەشێ نە و ل حالەکی خراب دا دژین و رۆژانە راستی ئاشکەنجەدانێ دهێن و چارە نڤیسێ وان نە دیارە لەومان داخوازیێ ژ حکومەتا عێراقێ و هەرێمێ و رێکخراوێن ناڤ دەولەتی دکەت کەس و کارێن وێ ژ دەستێ تیرۆرستان بێنە رزگارکرن ژبەرکو ئەو دزانیت رەوشا وان ل دەستێ تیرۆرستان دا یا چاوایە .


PUKmedia میدیا/خێرۆ گرعزێری