riklam

سەیدسادق.. وەرزی لێکردنەوەی گوڵەبەڕۆژە دەستی پێکرد

کوردستان 03:05 PM - 2021-08-02

لەقەزای سەیدسادق وەرزی لێکردنەوەی گوڵەبەرۆژە دەستی پێ کرد٫ جوتیاران دڵخۆش نین بە بەرهەمی ئەمساڵیان وەک ساڵانی پێشوو.

ئاوارە محەمەد جوتیار بۆ PUKmedia وتی: گوڵەبەرۆژە ساڵانی پێشوو زیاتر دەکرا ،بەڵام چەند ساڵێکە کەمتر دەکرێت، ئەمساڵێش ڕێژەیەکی کەم کرا  ، ئەویش بەهۆی باش بوونی باری ئابوری خەڵک پشت بەستن بە موچە و کەمتر کشتوکاڵ دەکات , خەڵک زیاتر گەنم جۆ دەکات کەمتر گوڵەبەڕۆژە، کە لەدوکاتی جیاواز دەکرێت گوڵەبەڕۆژە بە شێوەیەکی گشتی جۆرێکی،  لە مانگی  3 وەرزی بەهار  دەچێنرێت وە لە کۆتایی مانگی چوار لێ دەکرێتەوە ، وە شێوەی دیکەی تر لەمانگی 6 دەچێنرێت  تامانگی 8 لێ دەکرێنەوە.
وتیشی:  بەدوو شێوە دەچێنرێت  جۆرێکی  زەوییەکە دەکێڵیت گلۆبەڕۆژەکەی پێدا دەوەشەنیت  ، بەڵام زۆر باش نییە  ئەم شیوازە  نارەحەتە شێوازی ئاودانی و بارانی زۆری دەوێت، شێوازی ئەندازەی باش نابیێت لار دەردەچییت لەکاتی پێگەشتن ، شێوازی دیکەی تر  باشترە زیاتر دەکرێت ئەویش بە شێوەی( گۆل ) ی پێ دەڵین،  بەدەستی خۆتە زۆرو کەمی تۆوەکە  دەیچێنێت ، چاندنی تۆوەکەی بەرهەمی باشی هەیە ، شێوازی ئاودانیشی ئاسانە ، شێوەی ئەندازەیشی  ڕێک و جوان دەردەچێت .
ئاماژەی بەوەشکرد:  خاکی شارەزوور ئاو زەوییەکەی  لەبارە بۆ گڵۆبەڕۆژە ، بارانی باشی هەبێت لەبەهاردا ،خۆرێکی باشی دەوێت، باشترین زەوی هەیە بۆ گڵۆبەرۆژە، کەچەند جۆرێکمان  هەیە ئەویش  ، ئەمریکی و چینی و ڕەشی کوردی و ڕەشی تورکی و بازگی کوردی ، بەڵام باشترین جۆر بتوێنییە جوتیاران دەیچێنن  لە ئێستادا  ، جێگەی چینی گرتۆتەوە ، جۆری بەکرەجۆیش باشە، بەڵام  بتوێنییەکە باشترە جوتیاران دەیچێنن و ڕەشی تورکی بۆ ڕۆنی زەیتوون بەکاردێت ، بەڵام  لەدەشتی شارەزوور  ناکرێت .
وتیشی: گوڵەبەڕۆژە  پێویستی  بەئاوێک بۆ دوو ئاو ههیە ، زۆر ئاو بدرێت  باڵای بەرز دەبێت  بەرهەمی کەمتر دەبێت ، بۆجوتیار لەکاتی پێگەشتنی نارەحەت لێ دەکرێتەوە بارکردنیشی قورسە  ، باشتر وایە یەک بۆ دوو ئاو بدرێت ، زەوییەکەی وشک بێت دوو ئاوی دەوێت.
ئەوەشی خستەروو:  ئەمساڵ بەرهەمی  وەک   ساڵانی پێشوو نەبوو،  بەهۆی نەبوونی بارانی پێیویست ، ئاوی ژێر زەویش کەم بوو  سود لەئاوی ژیر زەوی ببنین بۆ ئاودان، داواکارین  حکومەت  هاوکارمان بێت ، لەکاتی پێگەشتنی بەرهەمی گوڵەبەڕۆژە ، چونکە ئامێری کەمە،  تێچووی زۆرترە  بۆ جوتیاران  نارەحەتە  بۆیە،وەک ساڵانی  پێشوو گڵۆبەرۆژە ناکرێت .


PUKmedia محەمەد عەبدولرەحمان_شارەزوور

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket