شاره‌زوور.. پێشانگایه‌كی كتێب ده‌كرێته‌وه‌

ئه‌مڕۆ یه‌كشه‌ممه‌ له‌قه‌زای شاره‌زوور  به‌ئاماده‌بوونی هاووڵاتیان و خوێنه‌رانی كتێب و ڕۆشنبیران پێشانگایه‌كی كتێب كرایه‌وه‌.

غه‌زال سدیق به‌ڕێوه‌به‌ری كتێبخانه‌ی گشتی شاره‌زوور به‌ PUKmedia ی ڕاگه‌یاند: ئامانجمان له‌كردنه‌وه‌ی ئه‌م پێشانگایه‌ ناساندن و ئاشناكردنی كۆمه‌ڵێك سه‌رچاوه‌یه‌ كه‌ به‌هۆی نه‌بوونی ده‌زگایه‌ك له‌قه‌زاكه‌دا، خوێنه‌ران نه‌یانتوانیوه‌ بگه‌ن  به‌و سه‌رچاوانه‌ ، له‌ ڕێگه‌ی ئه‌م پێشانگایه‌وه‌ ده‌توانن بگه‌ن به‌و سه‌رچاوانه‌ی  كه‌حه‌زو مه‌به‌ستیانه‌ خۆیان ده‌یانه‌وێت.

وتیشی: پێشانگاگه‌ ڕێگه‌ی دوریان بۆ نزیك ده‌كاته‌وه‌ ئه‌و كه‌سانه‌ی خوێنه‌ری كتێبن ، هه‌روه‌ها كاتیشیان بۆ ده‌گه‌ڕێته‌وه‌و تێچوویشی كه‌مه‌ به‌هۆی داشكاندنی زۆر باش كراوه‌ له‌ پێشانگاكه‌ .

ئه‌وه‌شی خسته‌ڕوو: ئه‌و كتێبانه‌ی كه‌ نمایش ده‌كرێن  هه‌مه‌ جۆرن  له‌م پێشانگایه‌ ئه‌وانیش بریتین له‌ سیاسی و  ئاینی و په‌روه‌رده‌ی و  میژووی چه‌ند بابه‌تێكی دیكه‌ی تر.

ئاماژه‌ی به‌وه‌شكرد: ڕێژه‌ی  كتێبه‌كان له‌م پێشانگایه‌كه‌ نمایش ده‌كرێن له‌1000 سه‌رچاوه‌ زیاتره‌  وبه‌زمانی كوردی و عه‌ره‌بین.


PUKmedia محه‌مه‌د عه‌بدولره‌حمان/ شاره‌زوور