دۆینەی کوردەواری خواردنێک پڕ لە وزە

.

لەقەزای شارەزوور زۆربەی گوندەکانی سنورەکە، هاوڵاتیان گرنگی زۆر بەخواردنە کوردەوارییەکان دەدەن، لەژەمەکانی خواردندا بەبەردەوامی بەکاری دێنن.

جەهان حسێن، ژنێکی دانیشتوی قەزای شارەزوورە بۆ PUKmedia وتی: زیاتر لە 20 ساڵە لەوەرزی هاویندا خواردنی کوردەواری بەکاردێنن دەیخۆن، هەندێکیشی هەڵدەگیرێت بۆ وەرزی زستان، وەک دۆینەو، قەرەخەرمان، ساوەر ترخێنەو چەند خواردنێکی دیکە.

ئەو ژنە کە تەمەنێکی هەبوو باسی خواردنی کوردەواری دۆینەی کردو وتی: دۆینە یەکێکە لەوخواردنانەی لەوەرزی هاویندا دروستدەکرێت، لەوەرزی زستان زیاتر دەخورێت.

دۆینە سەرەتا گەنمەکە دەشۆرێتەوە، پاشان دەخرێتە سەر ئاگر دەکوڵێنرێت، دوای کوڵاندنی بۆ ماوەی دوو ڕۆژ هەڵدەخرێت تا گەنمەکە وشک دەبێتەوە، دواتر لای ئاشەوان گەنمەکە دەهاڕێت، دۆیەکی خەستی بێت بۆ ماوەی پێنج ڕۆژ یان هەفتەیەک لەناو سەتڵ بۆ دەگیرێتەوە، بۆ ئەوەی تامەکەی ترش و خۆش بێت، دوای هەفتەیەک گرتنەوەی لە سەتڵدا، دەردەهینرێت هەڵدەخرێت لەبەر تیشکی خۆر تا وشکدەبێتەوە، ئامادە دەبێت بۆ خواردن، جەهان حسێن بەوجۆرە باسی ئامادەکردن و دروستکردنی دۆینەیکرد.

خواردنی کوردەوارییەکان وەک دۆینە، ساوەر ، قەرەخەرمان خواردنێکی تایبەتی کوردەوارییە هاوڵاتیان بۆ تاسقی بەردەوام لەسەر سفرەو خوانەکانیان بونی هەیە.


PUKmedia محەمەد عەبدولڕەحمان_شارەزوور