له‌خولیاوه‌ بۆ بژێوی ژیان

.

له‌هه‌رێمی كوردستان به‌هۆی دیارده‌ی بێكارییه‌وه‌  كچان و ژنان له‌پێناو بژێوی ژیان و حه‌زوو خولیادا ڕویان له‌كاری ده‌ستیكردووه‌ و به‌چه‌ندین بواری جیاواز كه‌ره‌سته‌و پێداویستیه‌كانیان ساغ ده‌كه‌نه‌وه‌، په‌ری موحه‌مه‌د ته‌مه‌نی 26ساڵه‌ و یه‌كێكه‌ له‌و كچانه‌ی كه‌ چه‌ند ساڵێكه‌ كاری ده‌ستی ده‌كات و دانیشتووی شاره‌زووره‌و له‌م دیداره‌ی PUKmedia دا باس له‌ئه‌زموون و كاره‌كانی ده‌كات.

٭ سه‌ره‌تای ئاشنابوونت بۆكاری ده‌ستی ده‌گه‌ڕێته‌وه‌ بۆ كه‌ی و چۆن ده‌ستتپێكرد؟

وه‌ڵام.. هه‌ر له‌منداڵیه‌وه‌ خولیای هونه‌ری كاری ده‌ستی و دیزاین بووم سه‌ره‌تا ته‌نها كارم بۆخۆمان بوو دواتر بیرم كرده‌وه‌ بتوانم په‌ره‌ به‌كاره‌كه‌م بده‌م و له‌ڕووی مادی و مه‌عنه‌ویه‌وه‌ سودی لێ ببینم.

٭حه‌زو خولیای خۆت بووه‌ یان كاریگه‌ری كه‌سانی ترت له‌سه‌ربووه‌؟

وه‌ڵام.. ته‌نها حه‌زوو خولیای خۆم بووه‌ و هه‌ڵم بژاردووه‌ وه‌ سوپاس بۆ خێزانه‌كه‌شم ڕێزیان له‌ هه‌ڵبژارده‌كه‌م گرتوو پاڵپشتم بوون .

 *زیاتر كام بواری ده‌ست ڕه‌نگینیت هه‌ڵبژاردووه‌؟

وه‌ڵام.. له‌زۆربه‌ی بواره‌كاندا ده‌ست ڕه‌نگینم هونه‌ری كاری ده‌ستی وه‌ك باخچه‌یه‌كی ڕه‌نگاو ڕه‌نگ وایه‌لام هه‌ر كارێك جوانی و تایبه‌تمه‌ندیه‌كی خۆی هه‌یه‌ بۆیه‌ پێمخۆشبووه‌ له‌ هه‌ر دارێكی هونه‌ر گه‌ڵایه‌ك لێبكه‌مه‌وه‌و جێده‌ستم دیاربێت له‌سه‌ری كاری چنینی جلی كوردی  ئێكسیوارات دیزاینی ناوماڵ و به‌تایبه‌ت كاری سیرامیك كه‌زۆر حه‌زی پێده‌كه‌م.

*ماوه‌ی چه‌ند ساڵه‌ ده‌ستت به‌م كاره‌ كردووه‌؟ 

وه‌ڵام.. ماوه‌ی ٤ ساڵ ده‌بێت كه‌ به‌ته‌واوی ده‌ستم پێكردووه‌ به‌ژداری پێشانگاكانم كردووه‌.

*وانابینی هونه‌ری كاری ده‌ستی زۆر بۆر بووه‌و ئه‌مه‌ش كاریگه‌ری 

له‌سه‌ركاره‌كانتان دروست كردبێت ؟

وه‌ڵام.. بێگومان زۆر بووه‌ به‌ڕای من ئه‌مه‌ وه‌ك چاولێكه‌ری لێهاتووه‌ وه‌ هه‌روه‌ها بێئیشی هۆكارێكی تره‌.

٭ تاكو ئێستا به‌شداری چه‌ند پێشانگای كاری ده‌ستیت كردووه‌؟

وه‌ڵام.. به‌شداری 14 پێشانگام كردووه‌ له‌شاره‌جیاوازه‌كانی كوردستان و ئێستاش به‌رده‌وامم.

٭دوا وته‌تان چیه‌ بۆ سایته‌كه‌مان ؟

وه‌ڵام.. دوا وته‌م داوا له‌هه‌موو ئه‌و به‌ڕێزانه‌ ده‌كه‌م كه‌كاری ده‌ستی ده‌كه‌ن واز بێنن له‌وه‌ی وێنه‌ی كاری دیزاینه‌ره‌كانی كه‌ده‌به‌ن و بۆ ڕیكلام دایده‌نێن به‌ لۆگۆو ناوی دیزانه‌ره‌كه‌وه‌ بێ  كێشه‌ نیه‌، به‌ڵام دیارده‌یه‌كی زۆر نه‌شیاوه‌ ده‌ڕۆن ناوی دیزاینه‌ره‌كه‌ ده‌سڕنه‌وه‌ بائه‌م دیارده‌ نه‌شیاوه‌ كۆتای پێبێنن

وه‌ هه‌روه‌ها سوپاسی به‌ڕێزتان ده‌كه‌م ماندوونه‌بن.

PUKmedia دیداری.. ڕێباز حه‌سه‌ن كه‌ڵهوڕیی

په‌ری موحه‌مه‌د