ناوه‌ندی فینلاند پشتیوانی كاندیده‌ كورده‌كان ده‌كات

.

وه‌فدێكی ناوه‌ندی یه‌كێتیی نیشتیمانیی كوردستان له‌ فینلاند له‌شاری هێلسنكی له‌گه‌ڵ نوێنه‌رانی ناوه‌ندی كۆمه‌ڵگای دیموكراتیكی كورد له‌ فینلاند كۆبۆوه‌.

وه‌فدی ناوه‌ند پێكهاتبوو له‌ جه‌بار جومعه‌ سه‌رپه‌رشتیاری ناوه‌ندو ئه‌حمه‌د خۆشناو كارگێڕی چاودێری و به‌دواداچوون، مه‌به‌ست له‌م كۆبونه‌وه‌یه‌ بۆ هه‌ماهه‌نگی و كاری هاوبه‌ش بۆ پشتگیری كردنی ئه‌و كاندیده‌ كوردانه‌ی كه‌ خۆیان كاندید كردوه‌ بۆ هه‌ڵبژاردنی داهاتووی ئه‌نجومه‌نی شاره‌وانیه‌كانی وڵاتی فینلاند كه‌ بڕیاره‌ له‌ رۆژی یه‌كشه‌ممه‌ 13.6.2021 ئه‌نجام بدرێت.

له‌و باره‌یه‌شه‌وه‌ جه‌بار جومعه‌ سه‌رپه‌رشتیاری ناوه‌ندی یه‌كێتیی نیشتیمانیی كوردستان له‌فینلاند به‌ PUKmedia ی راگه‌یاند: ده‌نگدانی پێشوه‌خت له‌ رۆژی 26.5.2021 ده‌سیپێكردوه‌و بڕیاریشه‌ له‌  8.6.2021 كۆتایی بێت ، بۆیه‌ داوا له‌ دڵسۆزان و خه‌مخۆرانی ره‌وه‌ندی كوردی له‌ فینلاند ده‌كه‌م كه‌ ببنه‌ مایه‌ی هاوكاری و پشتیوانی بۆ كاندیده‌ كورده‌كان و ده‌نگیان پێبده‌ن.

وتیشی: ئه‌م كاندیده‌ كوردانه‌ كه‌سانی گه‌نج و به‌تواناو لێهاتوون و له‌ بنه‌ماڵه‌یه‌كی كوردپه‌روه‌رو تێكۆشه‌رن و هه‌ریه‌كێك له‌وانه‌ به‌رنامه‌و پرۆژه‌ی تایبه‌تی خۆی هه‌یه‌ و بۆ جێبه‌جێكردنی ئه‌و پرۆژانه‌ پێویستیان به‌پشتیوانی و ده‌نگی ره‌وه‌ندی كوردی هه‌یه‌.

ناوی كاندیده‌كان...
خاتوو ناز خۆشناو/ ژماره‌ 126 كاندیده‌ له‌ شاری ئێسپۆ
خاتوو گه‌شاو بیبانی / ژماره‌ 235 كاندیده‌ له‌ شاری ڤانتا
خاتوو فاتیمه‌ یاسا / ژماره‌ 636 كاندیده‌ له‌ شاری هێلسنكی

PUKmedia تایبه‌ت