دانیمارك.. تەرمی پێشمەرگەی دێرین حاجی رزگار بەخاك سپێردرا

.

ڕێوڕەسمی بەخاك سپاردنی پێشمەرگەی دێرین  حاجی ڕزگاری وەستا محمود رێكخرا.

    بە ئامادەبوونی جەماوەرێكی زۆر وكونسوڵی عیراقی لە دانیمارك و  نوێنەرانی چەندین حیزب و لایەنی عیراقی و كوردستانی  لە شاری كۆبنهاگنی پایتەختی دانیمارك تەرمی پێشمەرگەی دێرینی یەكێتیی نیشتیمانیی كوردستان  حاجی ڕزگاری وەستا مەحمود  بە خاك سپێردرا . 

سەرەتا لە لایەن   هاوڕێ مەحمود   لێپرسراوی كەرتی ڕێكخستنی كۆبنهاگن كە دەكاتە برای كۆچكردو بە خێرهاتنی ئامادەبووان كرا.

لەلایەن   وشیار دەربەندی   لێپرسراوی ناوەندی یەكێتیی نیشتیمانیی كوردستان لە دانیمارك چەپكە گوڵی ڕێزو وەفا لەسەر گۆڕی   حاجی ڕزگاری وەستا مەحەمود دانرا، پاشان لە ووتەیەكدا باسی  كۆچكردووی كرد  كە وێڕای ئەوەی خاوەنی خەبات و مێژوویەكی پڕ لە سەروەریە و  لە بنەماڵەیەكی شۆڕشگێر و تێكۆشەرن وە چەندین شەهیدیان لەپێناو رزگاری خاكی كوردستان داوە.

جێگای ئاماژەیە خوالێخۆشبوو   حاجی ڕزگار  پاش تووشبوونی بە پەتای كۆڕۆنا وە پاش ململانێیەكی زۆر لەگەڵ ئەو پەتایە لە یەكێك لە نەخۆشخانەكانی كۆبنهاگن گیانی سپارد.

PUKmedia ڕاگەیاندنی ناوەندی یەكێتی نیشتیمانی كوردستان لە دانیمارك