riklam

كۆمپانیای مارسیدس ئۆتۆمبێلی شاھانه‌یی كاره‌بایی به‌رھه‌مده‌ھێنێت

تەکنەلۆجیا 03:11 PM - 2021-04-17
.

.

ئاژانسی "ئه‌سۆشیه‌یتد پرێس"  بڵاویكرده‌وه‌ كه‌ كۆمپانیای "دایمله‌ر ئه‌ی جی"ی خاوه‌نی "مارسیدس" ئۆتۆمبێله‌ كاره‌باییه‌ نایابه‌كه‌ی نمایشكرد كه‌ ھاوتایی ئۆتۆمبێلی شاھانه‌یی "مارسیدس بێنز ئێس كلاس"ه‌ به‌ڵام به‌ پاتری كار ده‌كات، به‌مه‌ش به‌رھه‌مھێنه‌ گه‌وره‌كه‌ی ئه‌ڵمانیا ڕكابه‌ریكردنی كۆمپانیای "تێسلا"ی برده‌ ئاستێكی تر له‌ به‌رھه‌مھێنانی باشترین جۆری ئوتومبێلی كاره‌بایی.

به‌ پێی ھه‌واڵه‌كه‌، ئۆتۆمبێله‌ كاره‌باییه‌كه‌ی مارسیدس ناوی "ئی كیو ئێس"ه‌ و یه‌كه‌مین ئوتومبێلی به‌رھه‌مھێنراوی كۆمپانیای ناوبراوه‌ كه‌ ھه‌ر له‌ بنه‌ڕه‌ته‌دا وه‌ك ئۆتۆمبێلی كاره‌بایی دیزایین كراوه‌ به‌ بێ سود وه‌رگرت له‌ بیرۆكه‌ و به‌كار‌ھێنانی تایبه‌تمه‌ندی و پارچه‌ی ئۆتۆمبێله‌كانی تری مارسیدس كه‌ بزوێنه‌ره‌كانیان به‌ سوتانی سه‌رچاوه‌ سروشتییه‌كانی وه‌ك (گاز و به‌نزین) كار ده‌كه‌ن.

جێی ئاماژه‌یه‌، كۆمپانیای مارسیدس له‌م ئوتومبێله‌دا ته‌واوی سه‌رنجیان خستووه‌ته‌ سه‌ر تایبه‌تمه‌ندییه‌ ته‌كنه‌لۆژییه‌كان به‌ شێوه‌یه‌ك شاشه‌یه‌كی گه‌وره‌یان به‌ پانی به‌شی ناوه‌وه‌ی ئوتومبێله‌كه‌ و له‌ شوێنی داشبۆردی ئوتومبێلی ئاسایی داناوه‌ كه‌ به‌ ھه‌ستی ده‌سته‌كان (touch) كار ده‌كات.

PUKmedia ئاژانسه‌كان

454557575455.jpeg

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket