دكتۆریكی كورد لە كەنەدا گیانی لەدەستدا

.

 دكتۆر سیروان مەلا ئەمین لە تەمەنی 51 ساڵیدا لە شاری لێسبریج-ی كەنەدا بەهۆی جەڵتەی مێشكەوە گیانی لەدەستدا.

عەبدولكەریم ئەمین زەنگەنە برای دكتۆری كۆچكردوو بە PUKmedia  ی راگەیاند: دكتۆر سیروان لە دایكبووی ساڵی 1970 ی گەڕەكی ئیسكانی كۆنی شاری  كەركوكە، لە ساڵی 1987 خوێندنی  قۆناغەكانی سەرەتایی تا ئامادەیی لە كەركووك تەواو كردووە، پاشان لە ساڵی 1995 بڕوانامەی بەكالۆریوس لە كۆلیژی پزیشكی زانكۆی سەلاحەدین بەدەست هێناوە و دواتر لە شاری هەولێر وەكو پزیشك دامەزراوە، بەڵام دوای ماوەیەكی كەم روی كردۆتە وڵاتی توركیا و لەڕێگەی ( UN ) وە مافی پەنابەرێتی لە وڵاتی كەنەدا پێدەدراوە و لەشاری لێسبریج لە هەرێمی ئەلبێرتا نیشتەجێ بووە و دوای چەند ساڵێك لە نەخۆشخانەیەكی ئەو شارە وەكو پزیشك دامەزراوە.

وتیشی: بەپێی وتەی براكەی دكتۆر سیروان كەسێكی هێمن و بەئەمەك بووە پێشتر سەردانی كوردستانی كردووە و كاری خۆبەخش و هاوكاری خوێندكاران و كتێبخانە و باخچەی ساوایانی منداڵانی كوردستانی كردووە، چەند ئامێرێكی پزیشكی بۆ نەخۆشخانەی قادر كەرەم دابین كردووە بەڵام، بەداخەوە ڕۆژی 4/3/2021 لە ماڵەكەی خۆی لەشاری لێسبریج بەهۆی جەڵتەی مێشك گیانی لەدەستدا و ماڵئاوایی لە كەسوكار و هاوڕێیانی كرد. رۆژی 20 ی ئازاری 2021 لە گۆڕستانی ئەو شارە تەرمەكەی بەخاك سپێردرا.

PUKmedia  عوسمان عەلی..تورونتۆ