نەرویج.. لەمەراسیمێکدا تەرمی پێشمەرگەیەکی دێرین بەخاک دەسپێردرێت

.

ئەمڕۆ هەینی ١٩ی شوبات تەرمی دکتۆر شەهاب وەهاب ڕۆستەم لە رێوڕەسمێکدا لە گۆڕستانی ئەلفاسیت لە ئالنەبرۆ بە ئامادەبوونی خانەوادەو هاوڕی و هاوسەنگەرانی و نوێنەری چەندین پارت و ڕێکخراو کەسایەتی سیاسی و ژمارەیەکی بەرچار لەڕەوەندی کوردی و عێراقی ئەسپاردەی خاک کرا.

دکتۆر شەهاب وەهاب ڕۆستەم، نووسەر و سیاسەتمەدارو ئەندام لە ڕێکخراوی هەڵۆی سورو تێکۆشەری دێرین و پێشمەرگەی پارتیزان و زیندانی سیاسی و برینداری سەنگەرو نوێنەری پێشوی  یەکێتیی نیشتیمانیی کوردستان لە وڵاتی نەرویج ، پاش تووشبوونی بە ڤایرۆسی کۆرۆناو سی هەفتە خۆڕاگری مەخابن ڕۆژی سێ شەممە ١٦ شوبات لەیەکێک لە نەخۆشخانەکانی وڵاتی نەرویج بۆهەمیشە ژیانئاوای لێکردین و دڵە گەورەکەی لەلێدان کەوت، دکتۆر شەهاب لەدوای خۆی تاقە کچێکی بەجێ هێشت..

سەرەتای بەخاکسپاردنە بە خوێندنەوە قورئانی پیرۆزو دواتر وتەی کچە تاقانەکەی لەسەر باوكی وە پاشان پەیامی ی.ن.ك  و ژیاننامەی شەهید لەلایەن هەندرین باوەنوری و ە بەهار جەلال فەیزوللە پەیامێکی بەزمانی عەرەبی پێشکەش کرد  بۆ بەشداربووە عەرەبەکان و حیکمەت کاکۆس نوێنەری حزبە عیراقیەکان پەیامێکی پێشکەش کرد کۆتایی بە رێورەسمەکە هات.

PUKmedia