زانكۆی كۆیه‌ خوێندكارانی وه‌رگیراو ئاگادارده‌كاته‌وه‌

.

له‌ راگه‌یه‌نراوێكی زانكۆی كۆیه‌ كه‌ كۆپییه‌كی ده‌ست PUKmedia كه‌وتووه‌، تێیدا هاتووه‌ له‌سه‌رۆكایه‌تی زانكۆی كۆیه‌ ئاگاداری ئه‌و خوێندكارانه‌ ده‌كاته‌وه‌ كه‌ خه‌ڵكی كه‌ركوكن و له‌ سكوڵی پزیشكی زانكۆكه‌ وه‌رگیراون، كه‌ له‌ رۆژانه‌ی 20 و 21 -12-2020، سه‌ردانی زانكۆ بكه‌ن بۆ مه‌به‌ستی چاوپێكه‌وتن، ئه‌مه‌ش ده‌قی راگه‌یه‌نراوه‌كه‌:

ئاگادارییه‌ك له‌سه‌رۆكایه‌تی زانكۆی كۆیه‌ - سكولی پزیشكی
ئاگادارییه‌ك له‌ سه‌رۆكایه‌تی زانكۆی كۆیه‌ - سكولی پزیشكی بۆ ئه‌و خوێندكارانه‌ی خه‌ڵكی كه‌ركوك كه‌ له‌ سكوڵی پزیشكی زانكۆمان وه‌رگیراون.

ئاگادارتان ده‌كه‌ینه‌وه‌ كه‌وا پێویسته‌ رِۆژانی یه‌ك شه‌مه‌و دووشه‌مه‌ 20و 21/12/2020 سه‌ردانی سكولی پزیشكی بكه‌ن به‌مه‌به‌ستی چاوپێكه‌وتن و هه‌ندێك كاروباری تایبه‌ت به‌ ده‌وام كردنیان بۆ ئه‌مساڵی خوێندن 2020-2021 .

هه‌ر خوێندكارێك له‌م دوو رِۆژه‌دا سه‌ردان نه‌كات ئه‌وا خۆی به‌رپرسیاره‌ به‌رامبه‌ر هه‌ر برِیارێكی زانكۆ ده‌یدات سه‌باره‌ت به‌ وه‌رگرتنیان له‌ زانكۆی كۆیه‌.

سه‌رۆكایه‌تی زانكۆی كۆیه‌ - سكولی پزیشكی

PUKmedia