riklam

له‌ سلێمانی نوێترین به‌رهه‌می ئایفۆن خرایه‌ بازاڕه‌وه‌

تەکنەلۆجیا 03:24 PM - 2020-10-24
.

.

هاوشێوه‌ی وڵاتانی دیكه‌ی جیهان مۆبایڵی ئایفۆن 12 له‌هه‌رێمی كوردستانیش نمایشكراو خرایه‌ بازاڕه‌وه‌.

 ئه‌م به‌رهه‌مه‌ نوێیه‌ی كۆمپانیای ئه‌پڵ له‌سه‌رتاسه‌ری جیهان به‌كار هێنه‌رانی چاوه‌ڕوانیان ده‌كرد،و ئێستاش ده‌توانن به‌كاری بهێنن، له‌سلێمانیش "كۆمپانیای ئه‌سێ" وه‌ك ناوه‌ندێكی فرۆشتنی به‌رهه‌مه‌ ئه‌لیكترۆنیه‌كان، هاوكات له‌گه‌ڵ  خستنه‌بازاڕی ئایفۆن 12 له‌ ئه‌مریكا به‌رهه‌می نوێی ئایفۆنی خسته‌ بازاڕه‌وه‌ و له‌كۆنگره‌یه‌كی رۆژنامه‌نوسیدا گۆڕانكاری و داهێنانه‌ نوێیه‌كانی ئه‌م به‌رهه‌مه‌ نوێیه‌ی ئایفۆنی خسته‌ڕوو.

باوه‌ڕ جه‌مال به‌رێوه‌به‌ری ماركێتینی كۆمپانیای ئه‌سێ له‌ كۆنگره‌یه‌كی رۆژنامه‌وانیدا وتی : وه‌ك یه‌كه‌م كۆمپانیای به‌رهه‌مه‌ ئه‌لكترۆنیه‌كان له‌ هه‌رێمی كوردستان توانیان هاوكات له‌گه‌ڵ زۆربه‌ی وڵاتانی دونیا به‌رهه‌مه‌ نوێكانی كۆمپانیای ئه‌پڵ بخه‌ینه‌ بازاڕه‌كانی هه‌رێم و وه‌ك هه‌نگاوی یه‌كه‌میش خواستێكی زۆر له‌سه‌ر به‌رهه‌مه‌كانه‌ , به‌رهه‌مه‌ نوێكانی ئه‌پڵ كه‌ خراونه‌ته‌ بازاڕه‌وه‌ بریتین له‌ "ئایفۆن 12 و ئایفۆن 12 مینی و 12 پڕۆ و 12 پڕۆ ماكس" یه‌كێك له‌ تایبه‌ت مه‌ندییه‌كانی ئه‌وه‌یه‌ كه‌ نه‌وه‌ی پێنجه‌می تێدا جێگیر كراوه‌ , كۆمپانیای ئه‌سێ به‌ درێژایی شه‌ش ساڵ به‌رهه‌مه‌ نوێكانی ئه‌پڵ ئه‌خاته‌ بازاڕه‌وه‌ . زۆرینه‌ی به‌كارهێنه‌رانی مۆبایلی ئایفۆن، خوازیارن به‌خێرایی ده‌ستیان به‌ ئایفۆن 12 بگات، زۆركه‌سیان گرنگی به‌قه‌یرانی دارایی ناده‌ن و پێش نمایشكردنی مۆبایله‌كه‌ ناویان تۆماركردووه‌ بۆ ده‌ستخستنی ئه‌م جۆره‌ نوێیه‌ی ئایفۆن وچاوه‌ڕوان ده‌كرێت تاچه‌ند رۆژێكی تر له‌بازاڕدا نه‌مێنێت.

33.jpg

ئه‌مساڵ به‌هۆی كۆرۆناوه‌ كۆمپانیای ئه‌پڵ دره‌نگتر به‌رهه‌می نوێی له‌بازاڕه‌كانی جیهاندا نمایشكرد و ئه‌م جۆره‌ نوێیانه‌ی ئایفۆنی 12 و 12ی پڵه‌س و 12ی پڵه‌س ماكس و ئایفۆنی12ی مینیه‌، و به‌ڕه‌نگی جیاواز و كوالیتیه‌كی به‌رز درووستی كردووه‌ و سیسته‌می 5جی واته‌ نه‌وه‌ی پێنجه‌می ئه‌نته‌رنێتی تێدا جێگیركردووه‌، كه‌له‌ مۆدێله‌كانی پێشتری ئایفۆندا نیه‌، به‌م رێگه‌یه‌ ده‌توانرێت چه‌ند هێنده‌ خێراتر سود له‌خزمه‌تگوزاریه‌كانی ئینته‌رنێت وه‌ربگیرێت.

PUK media / تایبه‌ت

34.jpg

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket