كچێكی كورد كاندیدی شاجوانی جیهانی كه‌نه‌دایه‌

.

میلۆدی قادر غه‌دیری كچه‌ جوانی كورد به‌شداری پێشبڕكێی شاجوانی جیهانی ساڵی 2020 ی كه‌نه‌دا ده‌كات كه‌52  كچانی كاندیدی نه‌ته‌وه‌ جیاوازه‌كانی ئه‌م وڵاته‌ تێیدا به‌شدارن بۆ هه‌ڵبژاردنی جوانترین شاجوانی ئه‌م ساڵ له‌ وڵاتی كه‌نه‌دا كه‌ بڕیاره‌ له‌ نێوان ڕۆژانی  1 ی نۆڤه‌مبه‌ر تا 7  ی نۆڤه‌مبه‌ری 2020  دا چالاكییه‌كانی ئه‌م پێشبڕكییه‌ به‌ڕێوه‌ ده‌چێت . 

كچه‌ شاجوانی كورد میلۆدی قادری سه‌باره‌ت به‌ ژیاننامه‌ی خۆی بۆ pukmedia وتی " ئه‌و له‌دایكبووی ساڵی 1994 ی كه‌نه‌دایه‌و له‌خێزانێكی كوردی شاری مه‌هابادی ڕۆژهه‌ڵاتی كوردستانه‌ ، خوێندنی سه‌نیكا كۆلیج و زانكۆی ( له‌یك هێد ) له‌كه‌نه‌دا ته‌واو كردووه‌، سه‌باره‌ت به‌ كارو چالاكییه‌كانی میلۆدی ڕایگه‌یاند ساڵانێكی زۆره‌ له‌ بواری یارمه‌تیدانی په‌نابه‌ران سه‌نته‌ری پێشوازی كۆچبه‌ران و په‌نابه‌ران له‌ ناوه‌ندی YMCA خۆبه‌خشانه‌  هاوكاری په‌نابه‌ران ده‌كات بۆ گه‌یشتن به‌سه‌رچاوه‌كانی زانیاری و ڕێنماییكردنیان بۆ چاره‌سه‌ركردنی كێشه‌كانیان له‌ڕووی زمان و گواستنه‌وه‌ و كاركردن ، هه‌روه‌ه كار و چالاكیه‌كانی بریتین له‌ چاودێركردنی گوزه‌ران و ڕه‌وشتی به‌نابه‌ران و چۆنێتی ده‌ستپێكردنه‌وه‌ی ژیانێكی شایسته‌ به‌تایبه‌تیش له‌م سه‌رده‌مه‌ی كاریگه‌ری په‌تای COVID-19 دا له‌م باره‌وه‌ پرۆژه‌ی په‌روه‌رده‌یی و به‌رنامه‌ی تایبه‌تی بۆ په‌نابه‌ران داناوه‌ . 

له‌كۆتاییدا میلۆدی ئاشكراشی كرد جگه‌ له‌ كاره‌كه‌ی خۆی ئاره‌زووی میوزیك و گۆرانی هه‌یه‌ وتشی له‌ماوه‌ی داهاتوودا به‌شداری چالاكیی هونه‌ری ماڵی كورد ده‌كات .

كاندیدی شاجوانی كورد میلۆدی غه‌دیری له‌ په‌یجی ئه‌نستاگرام په‌یامێكی ئاڕاسته‌ی كوردستانیان كرد و ڕایگه‌یاند " من ناوم میلۆدی غه‌دیری خه‌ڵكی ڕۆژهه‌ڵاتی كوردستانم ئێستا دانیشتووی شاری مه‌یپڵی ئۆنتاریۆم له‌ ئێستادا وه‌كو كچه‌ كوردێك شانازی به‌وه‌ ده‌كه‌م له‌ پێشبڕكێی شاجوانی جیهانی كه‌نه‌دا له‌گه‌ڵ 52  كچدا به‌ ژنانی جوان و ئاره‌زوولێده‌ر ده‌وره‌م دراوه‌ بۆ پێشبركێی قۆناخه‌كانی سه‌ره‌تایی و كۆتایی له‌نێوان رۆژی یه‌كشه‌ممه‌ و 1/11/2020 تا دوارۆژی 7/11/2020 به‌رده‌وام ده‌بێت بۆ ده‌ستنیشانكردنی ئه‌نجامی كۆتایی و دانانی تاجی یه‌كه‌م شاجوانی جیهانی كه‌نه‌دا له‌سه‌ر كچێك ڕاده‌گه‌یه‌نرێت. 

غه‌دیری وتشی: پشتگیری خۆشك و برایانی كوردانم كاریگه‌ری زۆری ده‌بێت بۆ سه‌ركه‌وتنم له‌ قوناخی یه‌كه‌مدا  .ئاشكراشیكرد تا ئێستا ژماره‌ی ده‌نگه‌كانی پشتگیری له‌ ئاستیكی به‌رزدایه‌ و گه‌یشتۆته‌ قۆناخی 20 ی شاجوانی یه‌كه‌مه‌كان .  

پێشڕه‌و عه‌لی پور ئه‌ندامی ڕێكخراوی ماڵی كوردی تورونتۆ پێی ڕاگه‌یاندین بۆ پشتگیری میلۆدی ماڵی كورد داوا له‌ ته‌واوی كوردانی كه‌نه‌دا ده‌كات كه‌ پاڵپشتی ئه‌م خانمه‌ بكه‌ن و ده‌نگی پێبده‌ن . 

پرۆسه‌ی ده‌نگدانیش له‌ یه‌كه‌م هه‌فته‌ی مانگی نۆڤمبه‌ر تا 7 ی نۆڤه‌مبه‌ربه‌ڕێوه‌ ده‌چێت و هه‌موو لایه‌ك  ئاگادار ده‌كه‌ینه‌وه‌ له‌ چۆنێتی ده‌نگدان و وورده‌كاریه‌كانی .

جێی ئاماژه‌یه‌، پێشبڕكێی شاجوانی جیهانی كه‌نه‌دا Miss World Canada بۆ هه‌ڵبژاردنی جوانترین كچی شاجوانی جیهان له‌ ساڵی 1957 وه‌ ده‌ستی پێكردووه‌ ، له‌ ساڵی 1996 وه‌ كێبڕكێی هه‌ڵبژاردنی جوانترین یه‌كه‌م كچی كه‌نه‌دا بۆ شاجوانی جیهانی له‌لایه‌ن كۆمپانیای MTC-W Inc   ساڵانه‌ له‌ شاری توڕونتۆ به‌سه‌رپه‌رشتی مێشیل ویسواڵدی به‌ڕێوه‌ ده‌چێت .

 له‌م كێبڕكێێه‌دا هه‌ر خانمێك سه‌ره‌تا زۆرترین ژماره‌ی ده‌نگه‌كان بێنێت ڕاسته‌وخۆ سه‌رده‌كه‌وێت بۆ قۆناخی هه‌ڵبژاردنی 20 خانمی كاندید كراو ، پاشان له‌كێبڕكێی قۆناخی دووه‌مدا شاجوانی یه‌كه‌می كه‌نه‌دا بۆ نوێنه‌رایه‌تی كه‌نه‌دا له‌ هه‌ڵبژاردنی شاجوانی جیهان دیاری ده‌كرێت ، سه‌رپه‌رشتیاری پرۆسه‌ی كێبڕكێی.

ڕاشیگه‌یاند: پێوه‌ری تیمی دادوه‌ران بۆ هه‌ڵبژاردنی شاجوان ته‌نها بریتی نییه‌ له‌ جوانی ده‌ره‌كی ده‌م و چاو له‌ش ، به‌ڵكو كه‌سایه‌تی و جوانی بیركردنه‌وه‌ و چالاكبوون و خاوه‌ن به‌رنامه‌ی تایبه‌ت له‌ بواری كاره‌ مرۆییه‌كاندا پێوه‌رێكی گرنگه‌ بۆ كچانی كاندیدی شاجوان .

ئیمه‌یڵی میلۆدی ؛ 

E-mail : [email protected] 

PUKmedia عوسمان عه‌لی ، تورونتۆ