ناوه‌ندی فینلاند سه‌ردانی باڵیۆزخانه‌ی عیراق ده‌كات

.

له‌سه‌ر بانگهێشتی فه‌رمی كونسولی عیراق ، رۆژی پێنجشه‌م رێكه‌وتی 15-10-2020 وه‌فدی ناوه‌ندی یه‌كێتیی نیشتیمانیی كوردستان له‌ فینلاند سه‌ردانی باڵیۆزخانه‌ی عیراقیان كرد و له‌لایه‌ن كونسوڵی عیراق خاتوو ( تانیا عه‌بدولقادر حسێن پێشوازیه‌كی گه‌رمیان لێكرا، وه‌فدی ناوه‌ند پێك هاتبوو له‌ جه‌بار جومعه‌ سه‌رپه‌رشتیاری ناوه‌ند و په‌خشان كورده‌ به‌رپرسی رێكخستنه‌ دێرینه‌كانی فینلاند، له‌م دیداره‌ دا هه‌ریه‌ك له‌ د ولید الجنابی سكرتێری دووه‌م و نه‌با موزه‌فه‌ر زیدان سكرتێری سێیه‌م باڵیۆزخانه‌ ئاماده‌بوون.

كونسولی عیراق زۆر به‌گه‌رمی به‌خێرهاتنی شاندی ناوه‌ندی كرد وخۆشحاڵی خۆی ده‌ربڕی به‌م سه‌ردانیه‌ و باسی گرنگی و كاریگه‌ری حزبه‌كان به‌ گشتی و یه‌كێتی به‌تایبه‌تی كرد له‌ناو ره‌وه‌ندی عیراقی و كوردستانی كه‌ ئه‌توانن ببنه‌ مایه‌ی پردی په‌یوه‌ندی نێوان باڵیۆزخانه‌ و ره‌وه‌ند به‌شێوه‌یه‌ك كه‌ كارئاسانی بۆ هه‌ردوولا دروستبكه‌ن و هه‌روه‌ها له‌ به‌رنامه‌یدایه‌ دیدار له‌گه‌ڵ نوێنه‌ری هه‌موو حزبه‌ عیراقیه‌كان رێك بخات بۆ ئه‌وه‌ی له‌ نزیكه‌وه‌ ئاگای له‌ كێشه‌ و داواكاری ره‌وه‌ندی عیراقی بێت و ووتی باڵیۆزخانه‌ ماڵی هه‌موو عیراقیه‌كانه‌ و دایم ده‌رگای له‌سه‌رپشته‌ و له‌هه‌ركاتێك بێت ئاماده‌یه‌ پێشوازی له‌ ره‌وه‌ند بكات،

ه‌به‌رامبه‌ردا شاندی ناوه‌ندی فینلاند سوپاسی خاتوو ( تانیا عبدالقادر حسین ) یان كرد بۆ ئه‌و پێشوازیه‌ وباسی چه‌ند ته‌وه‌رێكی گرنگیان كرد ده‌رباره‌ی خزمه‌تگوزاری و كاره‌كانی باڵیۆزخانه‌ و هه‌روه‌ها چه‌ند پێشنیارێكیان پێشكه‌ش كرد كه‌ په‌یوه‌ست بوو به‌ باڵیۆزخانه‌ له‌وانه‌ دامه‌زراندنی كارمه‌ندێك له‌ به‌شی كونسلی زمانه‌كانی عه‌ره‌بی و كوردی بزانێت له‌به‌ر ئه‌وه‌ی له‌ ووڵاتی فینلاند ژماره‌یه‌كی زۆر ره‌وه‌ندی كوردی هه‌ن كه‌ زمانی عه‌ره‌بی نازانن ، هه‌روه‌ها ئه‌وه‌یان خسته‌ڕوو كه‌ به‌ هۆی باری سیاسی هه‌ستیاری ئه‌وسای عیراق زۆرێك له‌ ره‌وه‌ندی عیراقی و كوردستانی كێشه‌ی نه‌بوونی ناسنامه‌ و گۆڕینی ناویان هه‌یه‌ بۆیه‌ له‌ كاتی سه‌ردانیكردنیان بۆ به‌شی كونسلی توشی كێشه‌و گرفت ئه‌بن و كاره‌كانیان رایی ناكرێ داوایان كرد به‌ گوێره‌ی توانا و له‌چوارچێوه‌ی یاسا یارمه‌تی بدرێن ، له‌هه‌مان كات شاندی ناوه‌ندی فینلاند ئاماده‌باشی ده‌ربڕی بۆ هه‌ماهه‌نگی و هاوكار و یارمه‌تیده‌ر ئه‌بن بۆ كارئاسانی كاره‌كانی باڵیۆزخانه‌ ، له‌كۆتاییدا هه‌ردوولا كۆك بوون له‌سه‌ر ئه‌وه‌ی ئه‌م دیدار و سه‌ردانیانه‌ درێژه‌ی هه‌بێت كه‌ ببێت به‌ مایه‌ی خزمه‌تگوزاریه‌كی باشتر بۆ ره‌وه‌ندی عیراقی.

PUKmedia