Gotejêkarên Qeterî li Tehranê ne ji bo aramkirina rewşê

PUKMEDIA

Tengava Hurmuzê

Serokê Amerîkayê Donald Trump roja înê careke din tekez kir ku agirbesta bi Îranê re bi dawî bûye, lê da zanîn ku hevdîtinên bi wan re berdewam dikin.

Trump li ser platforma "Truth Social" nivîsand: Îranê ji me xwest ku em danûstandinan berdewam bikin, me jî ev yek qebûl kir, lê Amerîkayê bi awayekî zelal ji wan re eşkere kir ku agirbest bi dawî bûye.
Roja çarşem û pêncşemê, piştî daxuyaniya Trump a ku got agirbest "bi dawî bûye", di navbera wan û Tehranê de pevguhertina giran a gulebaranê çêbû, ku ev yek bû sedema gumanan li ser domdariya yadeştnameya lihevtêghîştinê ku dihat hêvîkirin bibe rêxweşker ji bo bidawîkirina bi tevahî ya şer.
Lê belê beriya niha roja înê, berpirsekî Amerîkî teqez kir ku gotûbêjên di navbera Amerîka û Îranê de li ser peymana aştiyê ya mayînde, tevî aloziya leşkerî ya rojên çarşem û pêncşemê, berdewam dikin.

Li gorî nûçeya ku ajansa "Bloomberg" ji zarê wî berpirsê ku navê wî nehatiye eşkere kirin veguhastiye, Amerîka hîn jî pêbende bi dîtina çareseriyeke dîplomatîk ligel Îranê.
Wî berpirsî gotûbêjên heyî wekî "danûstandinên teknîkî" bi nav kirin, ku armanca wan gihîştina peymaneke aştiyê ya mayînde ye nêzîkî nîvê meha tebaxa bê.
Piştî nûbûna rûbirûbûna di navbera Waşînton û Tehranê de û rûdana nîşaneyên vegera metirsiya şerekî eger, ajansa Reutersê eşkere kir ku danûstandkarên Qeterî gihîştine Îranê daku bi berpirsên Îranî re bicivin, bi armanca aramkirina aloziyê û amadekirina mercan ji bo destpêkirina danûstandinên berferehtir. Ajansê da zanîn ku ev hevdîtin bi hevahengiya ligel Amerîkayê tên kirin.

Ajansê ji zarê çavkaniyekê diyar kir ku di van danûstandinan de dê mijara cîbicîkirina Yadeştnameya Hevtêgihiştinê ya Amerîka-Îranê were gotûbêjkirin, her weha ew mijarên ku bûne sedema pêla herî dawî ya aloziyê di navbera Waşîngton û Tehranê de, di nav de nakokiyên têkildarî keştivaniya li Tengava Hurmizê. Di heman demê de, çavkaniyên Pakistanî ji Ajansa Nûçeyan a Almanyayê re dan xuyakirin ku Tehranê ji Îslamabadê — ku rola navbeynkariyê dilîze — xwestiye ku ji Amerîkayê re ragihîne ku ew amade ne ji bo danûstandinan.


PUKMEDIA