Rêkarên yasayî ji bo doza Nûr Zuhêr û Ednan Cumeylî tên standin

Ajans

Dolar û dînar

Encûmena Bilind a Dadwerî ya Îraqê li ser doza "Nûr Zuhêr" û "Ednan Cumeylî" daxuyaniyekê dide.

Îro înê 10/7/2026, Civata Bilind a Dadwerî ya Îraqê daxuyaniyeke fermî li ser rêkarên taybet bi doza gendeliya mezin a "Dizîna Sedsalê" belav kir û tê de diyar kir ku armanca dadgehê ne tenê cezakirina gendeliyê ye, di heman demê de vegerandina pereyên dizî yên dewletê ye jî.
Wek ku di daxuyaniya encûmenê de hatiye, piştî ku Nûr Zuhêr ji bo vegerandina pereyan bi kefaletê hat berdan, tenê 365 milyar dînar vegerand (ji tevahiya zêdetirî 1.6 trîlyon dînarên ku li ser kompanyayên wî bûn) û piştre reviya derveyî welat. Ji ber vê yekê dadgehê bi xiyabî (nebûna wî) cezayê 10 sal zîndanê lê birî û dosya navneteweyî ji bo girtina wî hat vekirin.

Parêzerê Nûr Zuhêr daxwaz kiriye ku muwekîlê wî, bi mercê vegerandina hemû pereyên mayî, di çarçoveya yasaya efûya giştî de bibe, lê dadgeh dibêje: Ev mijar hatiye rawestandin û bi razîbûn û bersiva Wezareta Darayî ve girêdayî ye.
Heta niha cezayê zîndanê yê amadebûnê li ser 12 fermanberên têvebûyî yên di Rêveberiya Bacê de hatiye birîn. Her wiha cezayê ne hazirî ji bo rêveberê nivîsgeha serokwezîrê berê (Mistefa Kazîmî) û çend şêwirmendan derketiye û dest hatiye danîn ser milk û malên wan li
Îraq û Kuweytê.
Seba bixwe serokwezîrê berê, lêkolîn ligel hat kirin û ji ber nebûna belgeyên pêwîst doza wî hat girtin.
Dadgehê ragihand ku eger gunehê Ednan Cumeylî beriya guhertina yasaya efûya giştî be, heman rêkara vegerandina pereyan û sivikkirina cezayê li ser wî tê sepandin, lê eger piştî yasayê be, bi rêkeftina dadgeh û serokwezîr nexşeyeke din a yasayî jê re tê girtin.

PUKMEDIA