Serokomar: Temamkirina Dosyaya Êzîdiyan Mafekî Neteweyî Ye

Nûsîngeha Serokomar

Civîna Serokomar û Şandeya Êzîdiyan

Serokomar Iraqê Nizar Amêdî roja Sêşemê 7ê Tîrmeha 2026an li Koşka Selam li Bexda pêşwaziya şandeyek ji nûner û berpirsên pêkhata Êzîdî kir.

Serokomar di wê civînê de piştrast kir ku temamkirina çareserkirina dosyaya Êzîdiyan mafekî neteweyî ye ku pabendbûna dewletê ya ji bo dabînkirina edaletê ji bo qurbaniyan temsîl dike, tekez jî kir ku ev yek hewldanên hevgirtî yên hemî aliyên têkildar hewce dike da ku hewcedariyên mayî yên vê dosyayê bicîh bînin.

Serokomar amaje bi wê yekê jî kir ku, pêkanîna aramiyê bi dabînkirina edaletê ji bo qurbaniyan destpê dike, zêdekirina hewldanên lêgerîn û lêpirsînê ji bo diyarkirina çarenûsa windayan, afirandina şert û mercên guncaw ji bo vegera malbatên Êzîdî bo deverên wan, û misogerkirina jiyanek bi rûmet ji bo wan dest pê dike, bi vî rengî maf û rûmeta wan garantî dibe.

Ji aliyê xwe ve, endamên şandeyê spasî û teqdîra xwe ji Serokomar re ji bo baldariya wî ya li ser dosyaya Êzîdiyan û dilxwaziya wî ya ji bo şopandina pirsgirêkên wan anîn ziman. Her wiha wan spasiya xwe ji bo piştgiriya wî ya ji bo hewildanên çareserkirina vê dosyayê bi awayekî ku hêviyên civaka Êzidî pêk bîne, anîn ziman.

PUKMEDIA