Trump li G7 peyamek ji Îran û Îsraîl û Sûriyeyê re şand

Reuters

Donald Trump li G7

Serokê Amerîkayê Donald Trump di axaftina xwe ya roja Sêşemê, 16ê Hezîrana 2026an de, di lûtkeya G7 de li Fransayê, peyam ji Îran, Îsraîl û Sûriyeyê re şand.

Trump diyar kir ku armanca sereke ya peymana bi Îranê re ew e ku pêşî li bidestxistina çekên navokî bigire, û hişyarî da ku ger wisa bike, "dojeh" dê li ser wê dakeve.

 Her weha baweriya xwe anî ziman ku "peymana bi Îranê re dadperwerane ye, pesna seroktiya aqilmend a niha li Tehranê jî da û tekez kir ku, wî qet guhertina rejîmê wekî armanca şer nedîtiye.

Trump piştrast kir ku Amerîka ne mecbûre ku piştî peymana bidawîkirina şerê li Rojhilata Navîn li Îranê veberhênanê bikin, û got, "Em ê tu pereyan li Îranê veberhênan nekin."

Wî destnîşan kir ku "ji hêla psîkolojîk ve, em dixwazin ji Îranê uranyûma dewlemendkirî bistînin", bêyî ku wateya xwe zelal bike.

Trump her wiha bang li Serokwezîrê Îsraîlê Benjamin Netanyahu jî kir ku "berpirsiyartir li hember Lubnanê tevbigere", wekî ku wî got. Tevî ku wî têkiliya xwe ya pir baş bi Netanyahu re piştrast kir, serokê Amerîkayê zêde kir ku wî "nerazîbûna xwe ji Îsraîlê re li ser êrîşa wê ya dawî li ser Beyrûtê nîşan daye."

Trump ragihand ku wî "pêşniyar kiriye ku Sûriye li şûna Îsraîlê bi Hizbullahê re mijûl bibe. Trump got: "Ger Îsraîl nikaribe karê xwe (li Lubnanê) bêyî kuştina mirovên din bike, wê hingê divê Sûriye bike."

PUKMEDIA