Li Silêmaniyê pêvajoya wergirtina genim destpê kir

Sîloya Silêmanî

wergirtina Genimê Cotkaran

Îro 13/6/2026, li parêzgeha Silêmaniyê pêvajoya wergirina genimê cotkaran destpê kir û hikûmeta federal jî 400 hezar ton genim werdigre, rêveberiya bazirganî ya Herêma Kurdistanê jî aşkere dike: Du kompanyayên neteweyî yên li Herêma Kurdistanê amade ne ku genimê li sîloyan mayî ji cotkaran bikirin.

Newzad Şêx Kamil, Rêveberê Giştî yê Bazirganiyê yê Herêma Kurdistanê , di civîneke rojnamevanî de got: Li gorî pişka ku ji hêla hikûmeta federal ve ji bo Herêma Kurdistanê hatiye veqetandin, bi tevahî 400 hezar ton genim ji cotyaran werdigre, ew rêjeye jî bi ser du curan dabeş dike bi awayekî ku nêzîkî 292 hezar ton genim dê di çarçoveya plana fermî de were berhevkirin, û 108 hezar tonên mayî dê ji cotkarên li derveyî planê werin berhevkirin û radestî sîloyan werin kirin.

Derbarê ew rêjeya ku dimîne jî cotyar wê çawa li bazaran bifroşin, Rêveberê Giştî yê Bazirganiyê yê Herêma Kurdistana got: Du kompaniyên niştimanî amade ne ku genimê mayî ji cotkaran bi bihayek ji bihayê bazarê bilindtir û ji bihayê sîloyan kêmtir bikirin.

Nesrîn Ehmed, rêvebera bazirganiya sîlo û bazirganiya dexlûdanan li Silêmaniyê, ragihand: Ji bo rêgirtina li qerebalixiyê û hêsankirina pêvajoyê, dê ji cotkaran were xwestin ku bi rêya pergaleke nû ya elektronîkî xwe tomar bikin û genimê xwe bi dorê radest bikin.

Nesrîn Ehmed got: Sîloyên li Silêmaniyê û Helebçeyê xwedî kapasîteya tevahî ne ku mîqdara genimê ku ji wan re hatiye veqetandin hilînin, ku ji 161 hezar tonî zêdetir e û hemî dê bi tevahî werin wergirtin, tevî ku hin genim ji salên berê (sala borî û pêrar) hîna hene.

Eve jî di demekê de ye ku, îsal pêvajoya bazarkirina genim ji nû ve hatiye organîzekirin û rêz dê elektronîkî be û cotkar divê berî ku berhemên xwe veguhezînin sîloyan.

PUKMEDIA