MAM LI ŞAM-49

Elî Şemdîn

Ez li gel we me
Biqasî ku Mam Celal valahiyeke kûr hiştibû di gorepana siyasî ya derekî û navxweyî de, bi sedema nexweşketina wî bi celta mêjî di (17.12.2012)‘de, ewqasî jî nexweşiya wî nîgeraniyeke bi hêz dirust kirbû li cem partiya me (partiya demoqrata pêşverû ya kurdî li sûriya), û li cem serkirdayetiya wê ku pêwendiyeke dîrokî di navbera wê û Mam Celal de hebû bi dirêjiya zêdetir ji pêncî salî ve, lewma piştî vegera Mam Celal ji geşta çareseriyê li dervî welêt û hatina wî bo Silêmaniyê, şandekê ji serkirdayetiya partiya me di (16.4.2014)‘de, li Debeşan serdana wî kir bi mebesta ku li tendirustiya wî ji nêzîk ve bi pirsin, û ew şand pêkhatibû ji heryek ji (Ebdul Hemîd Derwîş, Umer Cafer, Ehmed Silêman, Ehmed Berekat, Selman Hiso Ibrahîm, Elî Şemdîn û Leyla Hesen), û di wê serdanê de hevalan dilxweşiya xwe nîşandan li ser pêşdeçûna rewşa Mam Celal ya tendirustî, û bi dirêjayî axivîn li ser rola wî ya dîrokî û karîger di nav refên tevgera rizgarîxwaza kurdî de di seranserê zêdetir ji pêncî salî ve. 
Û li ser daxwaza pizîşkên Mam Cela, hevalan di wê dîdarê de dirêj axivîn li ser wan bîrhatinên hevbeş di navbera wan û Mam Celal de, bi mebesta aktîv kirin û çalak kirina hişê wî, lê Mam Celal bi xwe her bi bê dengî li axaftinên hevalan bi giringî di şopand, û bi xemgîniyeke kûr li wan bîrhatinan guhdar dikir, û bi aramî temaşeyî rûçikêm me dikir bi şweyekî ku me hestên heskirinê di çavên wî de di xwendin.
Dîdara me li gel Mam Celal bêtir ji nîv katjimêrê dirêjkir, ew di seranserê wê dîdarê de qet ne axivî, tenê rûçikên rûyê wî hestê wî diyar dikirin, û çaxê ku me xwest xwahevîzî lê bikin û xatir jê bixwazin, hevalê me Ebdul Hemîd Derwîş hewil da ku bi şêweyekî normal li gel wî bi axivê, lewma berê xwe da Mam Celal û got: (Cenabê serok, Heval vedigerine Qamişlo, tu tiştekî ji wan dixwaze?), êdî tiştê balkêş ku rûda û em hemî matmayî hiştibûn ew bû çaxê ku Mam Celal ji nişkave bi vê gotinê axivî, û gotina wî wek birûskê ji devê wî derket û bi zelalî derbasî guhê me bû, û got: (Ez li gel we me) .
Belê! Mam Celal her li gel me bû bi hemî hest û helwîstên xwe, û alîkarekê bi hêz bû ji partiya mere di seranserê nîv sedî de, û em jî bi bê dûdilî li gel wî bûn di dema xebata wî de li dijî dîktatoriyet û sitemkariyê, û em hemî li gel hev bûn bi hevsengî û tevkarî û dilsozî û bi bê ciyawazî, û ew jî her li gel tevan bû bi hemî karîbûn û tiwana xwe di çarçewê bercewendiyên netewî û niştimanî yê bilind de..
Di orta salên pêncî de ji sedsala bîstan, û çaxê ku Mam Celal piyê xwe yekem car li ser xaka Şamê danî, yekser bîrokeya navtêdana kurdên sûriya di serê wî de meya, û ji wan xwest ku ew jî mîna kurdên îraqê partiya xwe ya siyasî damezirînin, bi armanca ku ew partî erkê bergiriyê bide ser milê xwe ji bo bi dest xistina mafê netewî yê miletê kurd li sûriya, bê ku Mam Celal serê xwe ji gefên Ebdul Hemîd Serac re dîne, wê çaxê ku ew li Şamê li gel civiya bû di sala (1957)‘de, û Mam Celal hemî pêwendiyên xwe yên berfireh û ezmûna xwe ya zengîn xistine xizmeta damezrênerên pêşî (Osman Sebrî, Ebdul Hemîd Derwîş, Hemze Niwêran)‘de, ji bo ku vê destpêşxeriya dîrokî li ser erdî cîbicî bikin di (14.6.1957)‘de, bi alîkariya Ebdul Rehman Zebîhî ku ew jî wê çaxê li Şamê bû..
Ev pêwendî di navbera Mam Celal û serkirdayetiya partiya me de roj bi roj her xurtir û bi hêztir dibû, ta ku Mam Celal jî di (1.6.1975)‘de, Yekîtî Niştimanî Kurdistan li Şamê damezirand, û şoreşa xwe ya nû ragihand ku mefrezeya wê ya yekem ji mala kesatiya kurdî ya navdar û welatparêz Xelîl Ebdê (Sor), li bajarê Qamişlo, di (1.6.1976)‘de, bi rêket, wê çaxê (PDPKS), di çarçewê karîbûna xwe de qet dûdilî nekir di pêşkêşkirina hemî şêweyê piştgîrî û alîkariyê ji (YNK) û şoreşa wî ya nû‘re, û pêwendiyên diqolî di navbera herdû partiyên bira de êdî kûrtir û xurtir bûn di xizmeta miletê kurdî û pirsa wî ya netewî û rewa de, û tevî astengî û kelemên ku li pêşiya van pêwendiyan carcaran derdiketin li vir û li wê, lê belê ew pêwendî her xurtir bûn û qet ranewstan, û herdû partiyan bi hevre di dawiya salên heftêyî de ji sedsala bîstan bi hevbeşî li gel hin aliyên kurdistanî yên din hewil dan ji bo pêkanîna komîteyeke kurdistanî û vê komîtê ji nav xwe komîteyeke amadekariyê destnîşan kir ku erkê amadekariya li darxistina kongireyekî kurdistanî li ser milê xwe bigire, lê gelek mixabin hin helûmercên babetî wê çaxê rêgirtin li pêşiya cîbicîkirina vî erkî, û ev pêwendiyên diqolî di navbera herdî partiyên birade li ser bingeha hevsengî û rêz li hev girtin hatibûne avakirin.
Mam Cela, bi koça xwe ya dawî di (3.10.2017)‘de, birîneke kûr di dilê me de vekir, bi qasî kûrbûna bandora wî li ser buyerên navçeyê û îraqê û kurdistanê, çimkî ew kilîla aramiyê bû ji wan buyeran re..
Tê her saxbe di dilê me de bi rêbaza xwe ey serok..

Elî Şemdîn