پشوه‌كانی به‌هارو هاوین به‌كارده‌هێنرێن بۆته‌واوكردنی خوێندن

.

به‌ڕێوه‌به‌ری په‌روه‌رده‌ رایگه‌یاند ئه‌گه‌ر له‌كاتی ته‌واوبوونی ده‌وامی خوێندندا مه‌نهه‌جی خوێندن ته‌واو نه‌كرابوو ئه‌وه‌ پشوه‌كانی هاوین و نه‌ورۆز به‌كارده‌هێنین بۆ ته‌واوكردنی خوێندن.

دڵشاد عومه‌ر به‌ڕێوه‌به‌ری گشتی په‌روه‌رده‌ی سلێمانی له‌لێدوانێكی تایبه‌تدا به‌ PUKmedia ی راگه‌یاند: هه‌رچه‌نده‌ پرۆسه‌ی خوێندن له‌سنوه‌ری په‌روه‌رده‌ی شاری سلێمانی و هه‌ڵه‌بجه‌و ده‌وروبه‌ری دواكه‌وتوه‌ به‌هۆی مانگرتنی مامۆستایانه‌وه‌ به‌ڵام ناتوانین بڵێین خوێندن له‌و سنورانه‌ راده‌گیرێت و په‌ك ده‌خرێت.

وتیشی: مه‌نهه‌جی خوێندن به‌شێكی باشی ته‌واوكراوه‌و ئه‌گه‌ر هه‌تا كاتی ته‌واو بوونی ده‌وامی خوێندن مه‌نهه‌ج ته‌واو نه‌كرێت پشوه‌كانی هاوین و به‌هار به‌كارده‌هێنین بۆ ته‌واوكردنی مه‌نهه‌جی خوێندن.

هه‌ر له‌باره‌ی تاقی كردنه‌وه‌ی ده‌ره‌كیشه‌وه‌ مامۆستا دڵشاد وتی: 18-2-2016 كه‌ده‌كاته‌ رۆژی پێنج شه‌ممه‌ وه‌ك هه‌موو ساڵێك تاقی كردنه‌وه‌ی ده‌ره‌كی ئه‌نجام ده‌درێت و 47 هۆڵی تاقی كردنه‌وه‌ش  بۆ ئه‌و مه‌به‌سته‌ له‌سنوری پارێزگای سلێمانی ئامادده‌ كراوه‌.

ئاماژه‌ی به‌وه‌شكرد، كه‌له‌ئێستادا رێكخراوه‌كانی كۆمه‌ڵگه‌ی مه‌دده‌نی له‌هه‌وڵدان بۆ ئه‌وه‌ی چاره‌سه‌رێكی هه‌نوكه‌یی بدۆزنه‌وه‌و ده‌وام ئاسایی بكرێته‌وه‌.

PUKmedia هاژه‌ باست