سەرۆكی ئەم وڵاتە موچەكەی دەبەخشێتە هەژاران

لەكاتی هەڵبژاردنەكاندا بەڵێنی بەخەڵكی وڵاتەكەی دابوو

سەرۆكی وڵاتی گواتیمالا بڕیاریدا زیاتر لەنیوەی موچەكەی ببەخشێتە هەژاران و كەمتدەرامەتان.

جیمی مۆرلیس سەرۆكی گواتیمالا وەك وەفایەك و جێبەجێكردنی ئەو بەڵێنانەی لەكاتی بانگەشەی هەڵبژاردنی سەرۆكایەتی گواتیمالادا بەخەڵكی وڵاتەكەیدا بوو ئەگەر بۆ پۆستی سەرۆكایەتی سەركەوتن بەدەستبهێنێت ئەوا 50%ی موچەكەی دەبەخشێتە هەژاران، بڕیاریدا 60% موچەكەی ببەخشێتە ژمارەیەك دامەزراوەی پەیوەندیدار بەهاوكاریكردنی هەژاران و كەمتدەرامەتانی وڵاتەكەی. 

جیمی مۆرالیس سەرۆكی نوێی گواتیمالا پێش وەرگرتنی پۆستەكەی ئەكتەرێكی كۆمیدی وڵاتەكەی بووە، دوای دەستبەكاربوونیشی زیاتر لەنیوەی موچەكەی بۆ كاری خێرخوازی و هاوكاری هەژاران تەرخانكرد.

مۆرالیس دووەم سەرۆكی وڵاتانی ئەمریكای لاتینە كە موچەكە دەبەخشێتە هەژاران، پێشتریش خۆسی مۆخیكا سەرۆكی پێشوی ئۆرۆگوای هەموو موچەكەی دەبەخشیە هەژاران و بەسەرۆك هەژارەكە ناسراو بوو، دەرگای كۆشكی سەرۆكایەتیەكەشی بۆ ئەو كەسانە كردبوویەوە كە شوێنی نیشتەجێبونیان نەبوو. 

PUKmedia ئاژانسەكان