وه‌زاره‌تی بازرگانی هاتنه‌ ناوه‌وه‌ی به‌رهه‌می په‌رله‌وه‌ڕگه‌كان قه‌ده‌غه‌ ده‌كات

ئه‌و بڕیاره‌ دووره‌ له‌ده‌ست تێوه‌ردانی سیاسی

وه‌زاره‌تی بازرگانی عیراق رێگری ده‌كات له‌هاتنه‌ ناوه‌وه‌ی به‌رهه‌می په‌رله‌وه‌ڕگه‌كان بۆ هه‌رێمی كوردستان و پارێزگاكانی ناوه‌ڕاست و باشووری عیراق.

جاسم ئه‌لعامری به‌ڕێوه‌به‌ری گشتی خزمه‌تگوزارییه‌كان له‌ وه‌زاره‌تی بازرگانی عیراق رایگه‌یاند: بڕیاری رێگریكردن له‌هاتنه‌ ناوه‌وه‌ی به‌رهه‌می په‌رله‌وه‌ڕگه‌كان بۆ هه‌رێمی كوردستان و پارێزگاكانی ناوه‌ڕاست و باشووری عیراق له‌كۆبوونه‌وه‌یه‌كدا به‌سه‌رۆكایه‌تی وه‌زیری ته‌ندروستی عیراقدا هاتووه‌.

وتیشی: ئه‌و بڕیاره‌ دووره‌ له‌ده‌ست تێوه‌ردانی سیاسی و مه‌به‌ست لێی پاراستنی گیانی هاووڵاتیانه‌ له‌نه‌خۆشی ئه‌نفلۆنزای باڵنده‌، كه‌ له‌ماوه‌ی رابردوو 664 هه‌زار مریشك له‌پارێزگای دهۆك و ژماره‌یه‌كی زۆریش له‌پارێزگای سلێمانی نه‌خۆش كه‌وتوون.

PUKmedia سۆمه‌رییه‌ نیوز