دروستكردنی چه‌كێكی دژه‌فڕۆكه‌ی بێ فڕۆكه‌وان

ئه‌مریكا.. دروستكردنی چه‌كێكی دژه‌فڕۆكه‌ی بێ فڕۆكه‌وان

ویلایه‌ته‌ یه‌كگرتووه‌كانی ئه‌مریكا ده‌ستیكرد به‌تاقیكردنه‌وه‌ی چه‌كێكی نوێ له‌ژێر ناوی (دژه‌ فڕۆكه‌ی بێ فڕۆكه‌وان).

ئامانج له‌دروستكردنی ئه‌م چه‌كه‌ش به‌ره‌نگاربوونه‌وه‌ی فڕۆكه‌ی بێ فڕۆكه‌وانه‌ كه‌ ئێستا له‌ویلایه‌ته‌ یه‌كگرتووه‌كانی ئه‌مریكادا به‌شێوه‌یه‌كی به‌رچاو بڵاوبووه‌ته‌وه‌.

هه‌ر له‌وباره‌یه‌وه‌ ئه‌ندازیاری سه‌رپه‌رشتیاری دروستكردنی چه‌كه‌كه‌ ده‌ڵێت: چه‌كه‌ نوێیه‌كه‌ هیچ زیانێكی ماددی به‌فڕۆكه‌كه‌ ناگه‌یه‌نێت، ئه‌م چه‌كه‌ به‌چه‌ند فریكوێنسێكی بێ ته‌ل كارده‌كات و ده‌توانێت له‌به‌رزی 40 مه‌تره‌وه‌ كاری فڕۆكه‌كه‌ هه‌ڵبوه‌شێنێته‌وه‌و رێگه‌ نادات فڕۆكه‌كه‌ مه‌به‌ستی خۆی بپێكێت، كێشی ئه‌م چه‌كه‌ ته‌نها 4.5 كیلۆگرامه‌.

دروستكردنی ئه‌م چه‌كه‌ له‌دوای ئه‌و پێشێلكاریانه‌وه‌ هات كه‌ ئێستا فڕۆكه‌ بێ فڕۆكه‌وانه‌كان له‌ئه‌مریكا ئه‌نجامی ده‌ده‌ن، به‌وته‌ی ئه‌ندازیارانی سه‌رپه‌رشتیار ئه‌م چه‌كه‌ بۆ ئه‌وه‌ به‌رهه‌مهێنراوه‌ كه‌ كاری هه‌موو ئه‌و فڕۆكانه‌ هه‌ڵبوه‌شێنێته‌وه‌ كه‌ به‌شێوه‌یه‌كی نایاسایی به‌كارده‌هێنرێن له‌بواری سیخوری و مه‌به‌سته‌ نایاساییه‌كانی تر.

جێی باسه‌، رێكخراوی نێوده‌وڵه‌تی بۆ بازرگانی چه‌ك رێگه‌ به‌فرۆشتنی ئه‌م چه‌كه‌ نادات له‌ده‌ره‌وه‌ی ویلایه‌ته‌ یه‌كگرتووه‌كانی ئه‌مریكادا، بۆیه‌ پێده‌چێت به‌مزووانه‌ له‌ناوخۆی ئه‌مریكاش نه‌خرێته‌ بازاڕه‌وه‌.

PUKmedia و/ گۆران قادر
س/ روسیا الیوم