له‌به‌ر به‌زۆر به‌شودانی به‌سه‌ركرده‌یه‌كی داعش خۆی سوتاند

ئه‌و سه‌ركرده‌یه‌ی داعش ده‌ستی له‌ كوشتنی هاوسه‌ره‌كه‌يدا هه‌بووه‌

به‌ هۆكاری فشارخسته‌سه‌ری بۆ هاوسه‌رگیركردن له‌گه‌ڵ سه‌ركرده‌یه‌كی تیرۆرستانی داعش له‌ سه‌ڵاحه‌دین ژنێك خۆی ده‌كوژێت.

سه‌رچاوه‌یه‌ك له‌ پارێزگای سه‌ڵاحه‌دین رایگه‌یاند: به‌ هۆكاری به‌زۆر به‌شودانی به‌ سه‌ركرده‌یه‌كی تیرۆرستانی داعش به‌ره‌به‌یانی ئه‌مڕۆ له‌ سه‌ڵاحه‌دین بێوه‌ژنێك خۆی سوتاندو دواتر گیانی له‌ده‌ستدا.

وتیشی: ئه‌و بێوه‌ژنه‌ له‌یه‌كێك له‌ گونده‌كانی نزیك ناوچه‌ی سینی باكوری سه‌ڵاحه‌دین نیشته‌جێیه‌، به‌هۆی فشار لێكردنی بۆئه‌وه‌ی هاوسه‌رگیری له‌گه‌ڵ یه‌كێك له‌ سه‌ركرده‌كانی داعش كه‌ به‌ڕه‌گه‌ز سعودیه‌ بكات خۆی سوتاندوه‌، له‌ كاتێكدا ئه‌و سه‌ركرده‌یه‌ی داعش ده‌ستی له‌ كوشتنی هاوسه‌ری ژنه‌كه‌دا هه‌بووه‌.

ئه‌و سه‌رچاوه‌یه‌ ئاشكراشیكردوه‌: چوار مانگ به‌ر له‌ ئێستا به‌تۆمه‌تی هاوكاریكردنی هێزه‌ ئه‌منییه‌كان و سیخوڕیكردن هاوسه‌ری ئه‌و     ژنه‌ له‌لایه‌ن داعشه‌وه‌ كوژراوه‌.

PUKmedia ئاژانسه‌كان