حكومەت كاتی دابەشكردنی موچەی مانگی ئایاری دیاریكرد

نێچیرڤان بارزانی: هەوڵدەدەین وەك بەغدا لێبێت و موچە لەكاتی خۆیدا بدرێت

سەرۆكی حكومەتی هەرێمی كوردستان رایگەیاند پێش جەژن موچەی مانگی 5ی فەرمانبەران دابەشدەكەن.

نێچیرڤان بارزانی سەرۆكی حكومەتی هەرێمی كوردستان دوای كۆبوونەوەی لەگەڵ وەفی بزوتنەوەی ئیسلامی كوردستان لەكۆنگرەیەكی رۆژنامەوانیدا لەگەڵ عیرفان عەلی عەبدولعەزیز رابەری بزوتنەوەی ئیسلامی لەبارەی دابەشكردنی موچەی مانگی ئایاری فەرمانبەران رایگەیاند:هەموو هەوڵكیمان بۆ ئەوەیە موچەی فەرمانبدەران بدەین، بەڵێ پێش جەژن موچەی مانگی 5ی فەرمانبەران دەدەین.

وتیشی: هەوڵەكانمان بۆ ئەوەیە چیتر موچەی فەرمانبەران دوانەكەوێت، ئەمە بابەتە نەبێتە هەواڵ كە مژدەبێت موچە هات، بۆ مانگی 6 و 7 نا، بەڵام دواتر هەوڵدەدەین وەك بەغدا لێبێت و موچە لەكاتی خۆیدا بدرێت.

PUKmedia تایبەت