بانگهێشتی په‌رله‌مانتاران ده‌كرێت

په‌رله‌مانی كوردستان بانگهێشتی ئه‌ندامانی ده‌كات بۆ كۆبونه‌وه‌ی ئاسایی خۆی

له‌ به‌یاننامه‌یه‌كی په‌رله‌مانی كوردستاندا كه‌ كۆپییه‌كی بۆ PUKmedia نێردراوه‌، بانگهێشتی ئه‌ندام په‌رله‌مانه‌كان ده‌كرێت بۆ دانیشتنی ژماره‌ (5) ی ئاسایی خولی به‌هاره‌ كه‌ رۆژی سێشه‌ممه‌ی داهاتوو به‌ڕێوه‌ده‌چێت، به‌رنامه‌ی كاری په‌رله‌مانیش به‌مشێوه‌یه‌ ده‌بێت:

1/ به‌رده‌وام بوون له‌سه‌ر گفتوگۆكردنی پرۆژه‌یاسای سندوقی داهاتی نه‌وت و غاز له‌ هه‌رێمی كوردستان.
2/ هه‌ر له‌ دانیشتنه‌كه‌دا (غازی سه‌عید سلێمان) وه‌كو وه‌زیری هه‌رێم سوێندی یاسای ده‌خوات.
3/ خوێندنه‌وه‌ی یه‌كه‌م بۆ هه‌ردوو پرۆژه‌یاسای بڕیاری به‌ پارێزگاكردنی شاری كۆیه‌ له‌ هه‌رێمی كوردستان و بڕیاری قه‌ره‌بوكردنه‌وه‌ی شه‌هیدو بریندارانی خۆپیشاندانه‌كه‌ی 17 ی شوباتی ساڵی 2011 و رۆژانی دوایی.
4/ دانان و ئاڵوگۆڕكردنی هه‌ندێك له‌ئه‌ندامانی لیژنه‌ هه‌میشه‌ییه‌كانی په‌رله‌مانی كوردستان.

PUKmedia تایبه‌ت