یه‌په‌گه‌ ناوه‌ندی رۆشنبیری كۆبانێ ئازاد ده‌كات

به‌رده‌وامده‌بن له‌ ئازادكردنی ناوچه‌كانی تری كۆبانێ

یه‌كینه‌كانی پاراستنی گه‌ل یه‌په‌گه‌ ئازادكردنی چه‌ندین ناوچه‌ی ستراتیجیان له‌ كۆبانێ-یان راگه‌یاند.

ناوه‌ندی چاپه‌مه‌نی و راگه‌یاندنی یه‌كینه‌كانی پاراستنی گه‌ل یه‌په‌گه‌ له‌به‌یاننامه‌یه‌كدا ئه‌مڕۆ 22-12-2014، كه‌ كۆپیه‌كی ده‌ست PUKmedia كه‌وتووه‌ رایگه‌یاندوه‌، هێزه‌كانی یه‌په‌گه‌ له‌ به‌ری باشوری كۆبانێ پێشڕه‌وییه‌كی باشیان كردوه‌و له‌ هه‌ڵمه‌تێكی بێ وێنه‌دا بۆسه‌ر مۆڵگه‌كانی داعش توانیویانه‌ ده‌ست به‌سه‌ر چه‌ندین ناوچه‌ له‌باشوری ئه‌وشاره‌ ئازادبكه‌ن.

هه‌له‌و به‌یاننامه‌یه‌دا هاتووه‌، هێزه‌كڤانی یه‌په‌گه‌ له‌و هه‌ڵمه‌تانه‌دا توانیویانه‌ بینای ناوه‌ندی رۆشنبیری كۆبانێ كه‌ پێشتر له‌لایه‌ن تیرۆرستانی داعشه‌وه‌ داگیركرابوو ئازاد بكه‌ن و له‌ ئێستادا سه‌رجه‌م ئه‌و بینایه‌ ئازادكراوه‌و و له‌ده‌ست تیرۆرستانه‌ سه‌نداروه‌ته‌وه‌.

هه‌رله‌و به‌یاننامه‌یه‌دا یه‌كینه‌كانی پاراستنی گه‌ل یه‌په‌گه‌ ته‌ئكیدده‌كه‌نه‌وه‌ له‌هه‌ڵمه‌ته‌كانیان به‌رده‌وام ده‌بن بۆ ئازادكردنی سه‌رجه‌م ناوچه‌كانی تری كۆبانێ.

PUKmedia