بورجی جه‌له‌ولا له‌لایه‌ن پێشمه‌رگه‌وه‌ كۆنتڕۆڵكرا

هێزه‌كانی پێشمه‌رگه‌و سوپای عیراق به‌ته‌واوی گه‌مارۆی سه‌ربازگه‌ی كۆبرایان داوه‌

له‌ئێستادا هێزه‌كانی پێشمه‌رگه‌ی كوردستان و سوپای عیراق به‌ پیاده‌ چونه‌ته‌ ناو سه‌ربازگه‌ی كۆبراوه‌و به‌ته‌واوی گه‌مارۆیاندا، هه‌روه‌ها بورجی جه‌له‌ولا له‌لایه‌ن هێزه‌كانی پێشمه‌رگه‌وه‌ كۆنتڕۆڵكراوه‌.

سه‌رچاوه‌یه‌ك له‌ جه‌له‌ولا به‌ PUKmedia ی راگه‌یاند: هێزه‌كانی پێشمه‌رگه‌ی كوردستان و سوپای عیراق به‌ پیاده‌ چونه‌ته‌ ناو سه‌ربازگه‌ی كۆبراوه‌و به‌ ته‌واوی گه‌مارۆیانداوه‌.

وتیشی: ئه‌و سه‌ربازگه‌یه‌ ده‌كه‌وێته‌ نێوان هه‌ردوو ناحیه‌ی جه‌له‌ولاو سه‌عدیه‌.

رونیشیكرده‌وه‌: سوپای عیراق له‌ به‌شی شاخه‌كانی حه‌مرینه‌وه‌ پێشڕه‌ویان كردووه‌و توانیوانه‌ بێنه‌ ناو سه‌عدییه‌.

راشیگه‌یاند: به‌شێكی زۆر له‌ گه‌ڕه‌كه‌كانی جه‌له‌ولا كۆنتڕۆڵكراون.

PUKmedia   هه‌ڵمه‌ت خانه‌قینی