له‌ رانیه‌ په‌ڵه‌ی داوه‌

له‌ماوه‌ی چه‌ند رۆژی رابردوودا له‌ رانیه‌ 117.2 ملم بارانباریوه‌

لێپرسراوی به‌شی كه‌شناسی له‌ به‌ڕێوه‌به‌رایه‌تی كشتوكاڵی رانیه‌ ئاماژه‌ به‌وه‌ ده‌كات، به‌هۆی ئه‌و بارانه‌ی كه‌ ماوه‌ی چه‌ند رۆژێكه‌ ناوچه‌كانی هه‌رێمی كوردستانی به‌گشتی و رانیه‌ به‌تایبه‌تی گرتووه‌ته‌وه‌، له‌ ئێستادا له‌ سنوری رانیه‌ په‌ڵه‌ی داوه‌.

كاروان موحسین بایز لێپرسراوی به‌شی كه‌شناسی له‌ به‌ڕێوه‌به‌رایه‌تی كشتوكاڵی رانیه‌ به‌ PUKmedia ی راگه‌یاند: تێكڕای رێژه‌ی ئه‌و بارانبارینه‌ی كه‌ له‌ رانیه‌ باریوه‌ 117.2 میلیمه‌تر بووه‌، به‌ به‌راورد به‌ ساڵی رابردوو تا ئه‌مكاته‌ رێژه‌كه‌ زیادیكردووه‌.

وتیشی: به‌هۆی ئه‌وه‌ی رێژه‌ی بارانبارینی ئه‌مساڵ به‌ به‌رده‌وامی باریوه‌، بووه‌ته‌ هۆی ئه‌وه‌ی كه‌ له‌ ده‌شتی رانیه‌ په‌ڵه‌ بدات و په‌ڵه‌ دوانه‌كه‌وێت.

PUKmedia  بێستون ئیبراهیم  - رانیه‌