پێوەر بۆ ئۆتۆمبێلی كرێ
kurdistani 11:31 AM - 2014-09-21جەمال ئارێز
هەڵبەزو دابەزی نرخی بەنزینو گاز، زۆربوونی پاس لەهێڵەكاندا، گرانبوونی كاڵاو كەرەستە سەرەكییەكانی ژیانی هاووڵاتییان، هەمووی ئەو هەنجەتو پاساوانەن كە بەدەست شوفێری هێڵەكانی پاسی ناوشارو دەرەوەی شارەكانەوەیە، حكومەتیش كۆمەڵێك پاساوو هەنجەتی لۆژیكی بەدەستەوەیە كە رەنگە ئەو پاساوە لەشوێنێكەوە بۆ شوێنێكی دیكەو لەسەردەمێكەوە بۆ سەردەمێكی دیكە جیاوازبێت، واتە بۆ ئەم گەڕەك یان بۆ ناوچەی (ا) راست بێت، بەڵام بۆ ناوچەو گەڕەكی (ب) ئەو پاساوە لاواز بێت.
لەچەند رۆژی رابردوودا هەواڵی ئەوە بڵاوكرایەوە كە خاوەن پاسەكانی هێڵەكانی بەكرەجۆو ئاوبارەو راپەڕینو.. چەند گەڕەكێكی دوورە شار لەسلێمانی كرێی هاتوچۆی هاووڵاتیانیان لە 500 دینارەوە زیادكردووە بۆ 750 دینار. لەوبارەیەشەوە قایمقامییەتی سلێمانی کۆبوونەوەی لەگەڵ سەندیكای شۆفێرانو هەندێك لەخاوەن پاسەكان كردووەو ناڕازیبوونی خۆی بەو هەنگاوەی ئەو شۆفێرانە راگەیاندووە بەو پاساوەی كە حكومەت لەزیادكردنی نرخی سوتەمەنیدا رەچاوی ئۆتۆمبێلەكانی هێڵی گواستنەوەی گشتیی كردووەو نرخی ئەوانی سووتەمەنی زیادنەكردووە.
رەنگە ئەم پاساوەی دامەزراوە ئیدارییەكانی سلێمانی راستییەكی تێدابێت، بەڵام لەو جۆرە كێشانەدا لایەنی بەرامبەریش راستیی لایەو پاساوی خۆی هەیە، چونكە لەدەستەبەركردنی سووتەمەنی هەرزاندا بۆ شۆفێران رەچاوی دووریی ناوچەكان لە چەقی شار و تەرمیناڵی ناوشار بۆ شوێنی مەبەستو كۆتایی هێڵەكان نەكراوە، تا شۆفێرانیش لەبەرامبەردا رەچاوی نرخێكی یەكسان بكەن. واتە ئەگەر دوا وێستگەی گەڕەكی (ا) چوار كیلۆمەتر لەسەنتەری شار یان تەرمیناڵی وەستانی ناوشارەوە دووربێت، چۆن دەكرێت بەهەمان پێوەری گەڕەكی (ب) حسابی سووتەمەنیی بۆ بكرێت كە لەتەرمیناڵەكەی ناوشارەوە نزیكە 12-15 كیلۆمەتر دوورەو چەندین وێستگەی وەستانی لەرێگەدایە؟
پاساوێكی دیكە كە بۆ كۆی شۆفێری پاسەكان راستە ئەوەیە كە ژمارەی پاس لەهێڵەكاندا بەجۆرێك زیادی كردووە كە هەندێك لەخاوەن پاسەكان لە كۆی مانگەكە (15-17) رۆژ نۆرەی ناو تەرمیناڵیان بەر ناكەوێت، ئەمە سەرباری ئەوەی كە بەشێكی زۆری ئەو شۆفێرانەش وەك خەڵكی دیكە لەژێر كاریگەریی كرێی خانووی بەرزو گرانیی كەرەستە سەرەكییەكانی ژیانی رۆژانەدانو وەك هەر هاووڵاتییەكی دیكەی ئەم وڵاتە منداڵی خوێندكاریان هەیەو بەهۆی دۆخی ئابوورییو نەبوونی مووچەشەوە پێناچێت وەك ساڵانی رابردوو داهاتیان هەبێت كە هەندێكیان لەدەرەوەی ئیشی هێڵەكانیان كاری گواستنەوەی فەرمانبەرو خوێندكاریان هەبووە، بەو پێیەی زۆر فەرمانبەرو خوێندكار وەك ساڵان ناچنە ژێر باری گرتنی ئۆتۆمبێلی دەستە جەمعییەوە بۆ چوونە دەوام.
كەواتە جێی خۆیەتی لیژنەكانی تایبەت بەو مەسەلەیە بیر لەچارەسەری زۆرەملێ نەكەنەوە لەكاتێكدا شۆفێرەكانیش هەندێك پاساوی راستیان بەدەستەوەیە، بەڵكو هەردوولا لەسەر پێوەری دووریی رێگاوبان نرخەكان دابڕێژنەوە كە بەمەش لایەنێكی باشتری عەدالەتی كۆمەڵایەتی دێتەدی.
جەمال ئارێز
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25