مه‌حمود سه‌نگاوی: كۆچی دوایی عادل موراد كه‌لێنێكی گه‌وره‌یه‌

.

مه‌حمود سه‌نگاوی بۆ كۆچی دوایی عادل موراد پرسه‌نامه‌یه‌ بڵاوده‌كاته‌وه‌و رایده‌گه‌یه‌نێت،  ئه‌م كۆچه‌ و ژیان ئاواییه‌ی عادل موراد خه‌ساره‌تێكی گه‌وره‌یه‌ بۆ بزوتنه‌وه‌ی ڕزگاریخوازی گه‌لی كورد.

ده‌قی پرسه‌نامه‌كه‌...
 كۆچی سه‌ركرده‌ و بیرمه‌ند و سیاسه‌تمه‌داری گه‌وره‌ی كوردو سكرتێری ئه‌نجومه‌نی ناوه‌ندی یه‌كێتیی نیشتیمانیی كوردستان كاك (عادل موراد)م پێگه‌یشت. گه‌لی كورد ئه‌مڕۆ سه‌ركرده‌یه‌كی گه‌وره‌ و مه‌زنی له‌ده‌ستدا، به‌م بۆنه‌ خه‌مناكه‌وه‌ پرسه‌ و سه‌ره‌خۆشی خۆم ئاڕاسته‌ی بنه‌ماڵه‌ی سه‌ربه‌رز و تێكۆشه‌ری خوالێخۆشبوو و هاوڕێبازه‌كانی و سه‌رجه‌م ئه‌ندامان و لایه‌نگرانی یه‌كێتیی نیشتیمانیی كوردستان به‌ تایبه‌تی و گه‌لی كورد به‌ گشتی ده‌كه‌م. 
كاك عادل، یه‌كێك له‌ شۆڕه‌ سوارانی سه‌ره‌تای شۆڕشی نوێ و دامه‌زرێنه‌رانی یه‌كێتیی نیشتیمانیی كوردستان بووه‌، خوالێخۆشبوو سه‌ركرده‌ و ڕێبه‌رێكی هه‌ڵكه‌وتوو له‌ بواری پێشمه‌رگایه‌تی و سیاسه‌ت بوو.
 هه‌ر بۆیه‌ له‌ ده‌ستدانی ئه‌م هه‌ڤاڵه‌ تێكۆشه‌ره‌مان، ئه‌م خه‌بات گێڕ و شۆڕش گێڕه‌ ماندونه‌ناسه‌، جێگای داخ و په‌ژاره‌ی هه‌موو تاكێكی نیشتیمانی په‌روه‌ری گه‌لی كورده‌. له‌ ده‌ستدانی كاك عادل كه‌لێنێكی گه‌وره‌یه‌ بۆ گه‌لی كورد به‌ گشتی و یه‌كێتیی نیشتیمانیی كوردستان به‌تایبه‌تی، ئه‌م كۆچه‌ و ژیان ئاواییه‌ی كاك عادل خه‌ساره‌تێكی گه‌وره‌یه‌ بۆ بزوتنه‌وه‌ی ڕزگاریخوازی گه‌لی كورد.
له‌ كۆتایدا هیوادارم، یه‌زدانی مه‌زن ڕۆحی به‌رزه‌فڕی كاك عادل به‌ به‌هه‌شتی به‌رین شاد بكات.

مه‌حمود سه‌نگاوی

PUKmedia تایبه‌ت