میروه‌یس: رۆڵی گه‌وره‌و گرنگی عادل موراد له‌بیر ناكرێت

.

لێپرسراوی مه‌ڵبه‌ندی خانه‌قینی یه‌كێتیی نیشتمانی كوردستان له‌پرسه‌نامه‌یه‌كدا كه‌ به‌ناوی خۆی و مه‌ڵبه‌نده‌وه‌ بڵاویكردوه‌ته‌وه‌، ئاماژه‌ به‌رۆڵ و پێگه‌و  خه‌باتی له‌مژێنه‌ی كۆچكردوو عادل موراد ده‌كات.

ده‌قی  پرسه‌نامه‌كه‌:

به‌داخه‌وه‌، به‌یانی ئه‌مڕۆ هه‌واڵی كۆچی دوایی سیاسه‌تمدارو پێشمه‌رگه‌و نوسه‌رو كه‌سایه‌تی تێكۆشه‌رو سكرتێری ئه‌نجومه‌نی ناوه‌ندی یه‌كێتیی و هاوڕێی دێرینی هه‌ڤاڵ مام جه‌لال، كاك" عادل موراد"م له‌وڵاتی ئه‌ڵمانیا پێگه‌یشت، كه‌له‌ناخه‌وه‌ خه‌مباریكردم.

هه‌ڤاڵ" عادل موراد" یه‌كێك بوو له‌ده‌سته‌ی دامه‌زرێنه‌رانی یه‌كێتیی نیشتمانی كوردستان، هه‌میشه‌ رۆڵ وپێگه‌ی خۆی هه‌بووه‌ له‌قۆناغه‌ جیاوازه‌كاندا، چ وه‌ك نوسه‌رێك به‌رده‌وام تیشیكی له‌سه‌ر خاڵه‌ هه‌نووكه‌ییه‌كانی دۆخی كوردستان و ناوچه‌كه‌ داده‌نا، چ وه‌ك سیاسی و پێشمه‌رگه‌یه‌ك له‌قۆناغه‌ هه‌ستیارو گرنگه‌كاندا رۆڵی خۆی هه‌بووه‌و ژیان و حاڵی خۆی له‌پێناو مافی ره‌وای گه‌لی كوردو رێبازه‌ پیرۆزه‌كه‌ی مام جه‌لال ته‌رخان كردبوو، بۆیه‌ له‌ده‌ستدانی كه‌سایه‌تی گه‌وره‌ی وه‌ك به‌ڕێزیان، كۆستێكی به‌زیان و خه‌ساره‌تێكی گه‌وره‌یه‌، چ بۆ ریزه‌كانی یه‌كێتیی نیشتمانی كوردستان كوردستان، چ بۆ گه‌لی كورد.

له‌م سۆنگه‌یه‌وه‌ پرسه‌و سه‌ره‌خۆشی خۆم ئاڕاسته‌ی كه‌سوكاره‌كه‌ی و ئه‌ندامانی ئه‌نجومه‌نی ناوه‌ندی و سه‌رجه‌م كادیرو هه‌ڤاڵانی یه‌كێتیی نیشتمانی كوردستان ده‌كه‌م.

شێركۆ میروه‌یس

ل،مه‌ڵبه‌ندی خانه‌قینی"ی.ن.ك"

PUKmedia