ته‌بقه‌.. تائێستا 200 هه‌زار ئاواره‌ گه‌ڕاونه‌ته‌وه‌ شاره‌كه‌

.

به‌پێی دواین ئامار 200 ھه‌زار ئاواره‌ گه‌ڕاونه‌ته‌وه‌ شارۆچكه‌ی ته‌بقه‌ له‌رۆژئاوای كوردستان.

ئاژانسه‌كانی هه‌واڵ ئه‌مڕۆ 14-8-2017، بڵاویانكرده‌وه‌ له‌ماوه‌ی 3 مانگی رابردودا له‌دوای كۆنتڕۆڵكردنه‌ی شاری ته‌بقه‌ له‌لایه‌ن شه‌ڕڤانانه‌وه‌ 200 ھه‌زار هاووڵاتی شاره‌كه‌ كه‌ پێشتر به‌هۆی شه‌ڕو توندوتیژییه‌كانه‌وه‌ ئاواره‌بوون گه‌ڕاونه‌ته‌وه‌ بۆ شارۆچكه‌كه‌.

 راشیگه‌یاند: له‌مانگی حوزه‌یرانیشدا 50 ھه‌زار ئاواره‌ گه‌ڕاونه‌ته‌وه‌ ته‌بقه‌و له‌دوای رزگاركردنیشی، ره‌وشی شارۆچكه‌كه‌ به‌ره‌و ئاسایی بوونه‌وه‌ ده‌چێت، ھاووڵاتیانیش ده‌ستیانكردوه‌ته‌وه‌ به‌ژیانی ئاسایی خۆیان.

ئۆپراسیۆنی كۆنتڕۆڵكردنه‌وه‌ی شارۆچكه‌ی ته‌بقه‌ له‌لایه‌ن شه‌ڕڤانانه‌وه‌ له‌ 21 ی ئازاری ئه‌مساڵ ده‌ستیپێكردو له‌ 10 ی ئایاری رابردوداشدا، ئه‌و شارۆچكه‌یه‌ به‌ته‌واوی له‌ده‌ستی داعش رزگاركرا.

PUKmedia ئاژانسه‌كان