به‌وێنه‌.. خوێندكارانی هه‌ڵه‌بجه‌ به‌به‌رگی پێشمه‌رگه‌وه‌ رۆژی ئاڵا به‌رز راده‌گرن

یادی رۆژی ئاڵای كوردستان

نوێنه‌رایه‌تی گشتی كۆمه‌ڵه‌ی خوێندكارانی كوردستان  كۆلێجی ته‌كنیكی كشتوكاڵی هه‌ڵه‌بجه‌ به‌ هاوكاری راگرایه‌تی كۆلێج له‌ هه‌مبه‌ر رێزگرتن له‌ هێزی پێشمه‌رگه‌ی كوردستان و رۆژی ئاڵا به‌جل و به‌رگی پێشمه‌رگه‌ و كوردیه‌وه‌ چوونه‌ نێو هوڵه‌كانی خوێندنه‌وه‌.

پۆڵا یوسف سه‌رپه‌رشیاری چالاكیه‌كه‌ له‌ لێدوانێكدا به‌ PUKmedia ی راگه‌یاند: نوێنه‌رایه‌تی گشتی خوێندكاران به‌هاوكاری راگرایه‌تی كۆلێج پێمان باش بوو بۆ رێزگرتن له‌ براپێشمه‌رگه‌كانمان به‌جلی ئه‌وانه‌وه‌ ده‌وام بكه‌ین و به‌ شانازییه‌وه‌ بڵین ئێمه‌ش پێشمه‌رگه‌ین .

وتیشی: وێرای ده‌وام كرنمان به‌شداریمان كرد له‌ سێیه‌مین فێستیڤاڵی چوارچرادا كه‌ له‌ هۆڵی بونه‌كان رێكخرابوو و به‌ نمایشێكی رۆشتن به‌ناو ئاپۆڕای ئاماده‌بوانداپه‌یامی رێز گرتنمان له‌ ئاڵای پیرۆزی كوردستان راگه‌یاندو هاوكات جل و به‌رگی پێشمه‌رگه‌مان به‌ شانازییه‌وه‌ نمایش كرد.

PUKmedia فۆتۆ: فه‌رحان حه‌مه‌خان