ئه‌مریكا هاوكاری زیاتر پێشكه‌ش به‌ ئێزدییه‌كان ده‌كات

.

كونسوڵی گشتی ئه‌مریكا كۆمه‌كێكی تری دارایی به‌ بڕی 500 هه‌زار دۆلاری ئه‌مریكی بۆ كاری نۆژه‌نكردنه‌وه‌ی په‌رستگای ھه‌ره‌ پیرۆزی ئێزدییه‌كان ڕاگه‌یاند، له‌ میانی سه‌ردانه‌كه‌ی بۆ لالش ڕۆژی چوارشه‌ممه‌. كونسوڵی گشتی وتی، " كۆمه‌كه‌كه‌ ده‌رخه‌ری پابه‌ندی به‌رده‌وامی ویلایه‌ته‌ یه‌كگرتووه‌كانی ئه‌مریكایه‌ بۆ یارمه‌تیدانی پێكھاته‌ ئاینی و ئیتنیه‌كانی عیراق له‌پێناو سارێژبوونی زامه‌كان و بوژاندنه‌وه‌ی كۆمه‌ڵگاكانیان دوای ئه‌وه‌ی داعش تاوانی "جینۆسایدی ده‌رھه‌ق ئه‌نجامدان.

ھه‌رله‌ لالش، كونسوڵی گشتی له‌گه‌ڵ ڕاوێژكاری میری ئێزدیان كه‌ریم سلێمان كۆبووه‌وه‌ و گفتوگۆی دوا په‌ره‌سه‌ندنه‌كانی تایبه‌ت به‌كۆمه‌ڵگای ئێزدیان كرد، له‌وانه‌ش ڕێككه‌وتنی ئه‌مدواییه‌ی تایبه‌ت به‌شه‌نگال له‌نێوان حكومه‌تی عیراق و حكومه‌تی ھه‌رێمی كوردستان به‌مه‌به‌ستی پشتیوانیكردنی گه‌ڕانه‌وه‌ی سه‌لامه‌ت و خۆ ویستانه‌و دوور مه‌ودای ئاواره‌كان. 

له‌سه‌ره‌تای داگیركاری داعشه‌وه‌ له‌عیراق له‌ ساڵی 2014 ویلایه‌ته‌ یه‌كگرتووه‌كانی ئه‌مریكا زیاتر له‌ 470 ملیۆن دۆلاری له‌ شێوه‌ی كۆمه‌كی مرۆیی بۆ ئێزدی و پێكھاته‌كانی تر ته‌رخانكردووه‌، كۆمه‌كه‌كانی ئه‌مریكا بوونه‌ مایه‌ی گه‌ڕاندنه‌وه‌ی خزمه‌تگوزاریه‌ سه‌ره‌كیه‌كان و نۆژه‌نكردنه‌وه‌ی ژێرخانه‌ گرنگه‌كان و ده‌رفه‌تی كاریان زیاتر كردو پشتیوانی كاروبازرگانی خۆجێییان كردو ھه‌روه‌ھا بوونه‌ مایه‌ی وه‌گه‌رخستنی كاراكته‌ره‌ لۆكاڵی و نیشتمانیه‌كان بۆ به‌رگرتن له‌ كاره‌ساتی دڕندانه‌ی ھاوشێوه‌ له‌ داھاتوودا. 

له‌وه‌ زیاتر، كۆمه‌كه‌كانی ئه‌مریكا ڕاھێنانی پزیشكیان فه‌راھه‌م كرد كه‌ بوونه‌ ھۆی ئه‌وه‌ی ئێزدیه‌كان بتوانن له‌و نۆڕینگه‌ ته‌ندروستیانه‌دا كار بكه‌ن كه‌ ستافیان كه‌مه‌ و بوونه‌ مایه‌ی دابینكردنی خزمه‌تگوزاری زیاتری سایكۆلۆجی و عه‌قڵی بۆ ئه‌و ئێزدیانه‌ی ده‌ربازبووی جینۆساید و ژێرده‌سته‌یی داعش بوون و، ھه‌ره‌وھا بوونه‌ مایه‌ی پێشكه‌شكردنی پشتیوانی یاسایی بۆ به‌ڵگه‌ كۆكردنه‌وه‌و بابه‌تی خاوه‌ندارێتی و ئه‌وانه‌ی ویستی دادگایی كردنی ئه‌نجامده‌رانی داعشیان ھه‌یه‌.

ویلایه‌ته‌ یه‌كگرتووه‌كانی ئه‌مریكا ھه‌روه‌ھا كۆمه‌كی دارایی بۆ نۆژه‌نكردنه‌وه‌ی شوێنه‌واری تری ئاینی و مێژوویی تایبه‌ت به‌ پێكھاته‌كان ته‌رخان ده‌كات، له‌وانه‌ش دێڕی مار گۆرجس و مه‌زاری نه‌بی ناحوم و ده‌روازه‌ی ئامێدی.

له‌ساڵی 2018 باڵیۆز ماسیو توله‌ر یه‌كه‌م كۆمه‌كی دارایی به‌ بڕی 500 هه‌زار دۆلار بۆ ده‌ستپێكردنی نۆژه‌نكردنه‌وه‌ی په‌رستگای لالش ڕاگه‌یاند.

كونسوڵی گشتی ڕۆب واڵه‌ر ھه‌ره‌وھا سه‌ردانی شێخانی كردو له‌گه‌ڵ قائیمقامی شێخان سه‌ردار شێخ یه‌حیا كۆبووه‌و گفتوگۆی دۆخی ئابوری و سیاسی و ھه‌ره‌وه‌ھا به‌رنامه‌ی گه‌شه‌پێدانی داھاتوویان كرد. ھه‌رێمی كوردستانی عێراق به‌ ده‌وڵه‌مه‌ندی كه‌لتوره‌كه‌ی و شوێنه‌واری مێژوویی ناسراوه‌، كونسوڵی گشتی ده‌رفه‌تی ئه‌وه‌ی بۆ ڕه‌خسا سه‌ردانی شوێنه‌واری خه‌نه‌س و جێروانه‌ بكات كه‌ مێژووه‌كه‌یان بۆ ئیمپراتۆریه‌تی ئاشوریه‌كان ده‌گه‌ڕێته‌وه‌.

PUKmedia راگه‌یاندنی كونسوڵی گشتی ئه‌مریكا له‌ هه‌ولێر

لینكی یارمەتیدەر بۆ بینینی ڤیدیۆیەكە