شۆڕش ئیسماعیل: رێكخراوی ئازادی لاوان خاوەنی سەروەرین

.

شۆرش ئیسماعیل ئەندامی مەكتەبی سیاسی یەكێتی نیشتیمانی كوردستان بەبۆنەی بیستەمین ساڵیادی دامەزراندنیەوە، پەیامێكی پیرۆزبایی ئاڕاستەی رێكخراوی ئازادیی لاوان دەكات، كە ئەمەی خوارەوە دەقەكەیەتی:

بەڕێزان/ سكرتێر و ئەندامانی سكرتاریەتی رێكخراوی ئازادی لاوانی كوردستان بەبۆنەی بیستەمین ساڵەی دامەزراندنی رێكخراوەكەتان ، گەرمترین پیرۆزبایتان لێدەكەم.

لاوانی كوردستان لە مێژووی خەباتی ڕزگاریخوازیی گەلەكەماندا خاوەنی زۆرترین سەروەریین، بە گیان فیدایی و خۆڕاگری.
 (یەكێتیی نیشتیمانیی كوردستان)ش هەمیشە خەبات و بیری لاوانی وەك داینەمۆی شۆڕش سەیركردووە.
 
دامەزراندنی ڕێكخراوی ئازادی لاوانی كوردستان، پرۆژەیەكی لاوانەی‌ سەردەمیانە و نوێگەری‌ پێویستی بوو، بۆ دەستەبەركردنی مافە مەدەنی و دیموكراسییەكانی توێژی لاوان.

هیوادارین بەردەوام بن لە گەشەپێدانی ئەم رێكخراوە، بۆ سەرخستنی خەباتی مەدەنییانەو پیشەیی لاوان و بەشداری كارا لە بوژانەوە و ئاوەدانكردنەوەی كوردستان.

شۆرش ئیسماعیل
ئەندامی مەكتەبی سیاسی یەكێتی نیشتیمانی كوردستان

PUKmedia  تایبەت