سه‌نگاوی گه‌ڕایه‌وه‌ بۆ جه‌له‌ولا

دوای باشبوونی باری ته‌ندروستی له‌ئێستادا ده‌ستبه‌كاربۆته‌وه‌

مه‌حمود سه‌نگاوی ئه‌ندامی مه‌كته‌بی سیاسی یه‌كێتیی نیشتمانیی كوردستان، دوای وه‌رگرتنی چاره‌سه‌ری ته‌واو باشبوونی دۆخی ته‌ندروستی گه‌ڕایه‌وه‌ بۆ جه‌له‌ولا بۆ به‌رێوه‌بردنی فه‌رمانده‌یی میحوه‌ری حه‌مرینی هێزه‌كانی پێشمه‌رگه‌.

له‌وباره‌یه‌وه‌ شێركۆ میروه‌یس ئه‌ندامی سه‌ركردایه‌تی و لێپرسراوی مه‌ڵبه‌ندی خانه‌قینی (ی.ن.ك) به‌ PUKmedia ی راگه‌یاند:  دوای ئه‌وه‌ی له‌سه‌ر دروست بوونی شه‌ڕو ئاڵۆزییه‌كانی ناحیه‌ی جه‌له‌ولا مه‌حمود سه‌نگاوی ئه‌ندامی مه‌كته‌بی سیاسی (ی.ن.ك)، كرایه‌ فه‌رمانده‌یی گشت هێزه‌كانی پێشمه‌رگه‌ له‌میحوه‌ری خورماتوو تاوه‌كو مه‌نده‌لی، له‌م ماوه‌ی پێشووه‌دا كه‌مێك باری باری ته‌ندروستی تێكچوو بوو.

وتیشی: بۆیه‌ مسته‌فا چاوڕه‌ش ئه‌ندامی سه‌ركردایه‌تی یه‌كێتی نیشتمانیی كوردستان، خرایه‌ شوێنه‌كه‌ی تاوه‌كو مه‌حمود سه‌نگاوی چاره‌سه‌ری پزیشكی ته‌واوی وه‌رگرتوه‌و ئێستا دۆخی ته‌ندروستی جێگیره‌.
 
رونشیكرده‌وه‌، له‌ئێستادا كاك مه‌حمود سه‌نگاوی ئێستا گه‌ڕاوه‌ته‌وه‌ بۆ به‌رێوبردنی پۆستی فه‌رمانده‌یی گشت هێزه‌كانی پێشمه‌رگه‌ له‌ سنوری خورماتوو تاوه‌كو مه‌نده‌لی و ده‌ستی به‌كارو به‌رنامه‌ی خۆی كردۆته‌وه‌.

PUKmedia سامان یاروه‌یس