riklam

بەغداد و بەیروت سزادراوەكانیان ئاڵوگۆڕ دەكەن

عیراق 01:41 PM - 2026-06-28
د.خالید شوانی، وەزیری دادی عیراق و  خەلیل عەبدوڵڵا باڵیۆزی كۆماری لوبنان لەعیراق نوسینگەی راگەیاندنی وەزارەتی دادی عیراق

د.خالید شوانی، وەزیری دادی عیراق و خەلیل عەبدوڵڵا باڵیۆزی كۆماری لوبنان لەعیراق

عيراق

وەزیری داد پێشوازی لەباڵیۆزی لوبنان لەعیراق كردو تاوتوێی كاراكردنی ر‌ێككەوتننامەی ئاڵوگۆڕ‌ی سزادراوانی نێوان بەغداد و بەیروت-یان كرد.

د.خالید شوانی، وەزیری دادی عیراق، لەبارەگای وەزارەت پێشوازیكرد لە خەلیل عەبدوڵڵا باڵیۆزی كۆماری لوبنان لەعیراق، بۆ تاوتوێكردنی ر‌ێكارەكانی پتەوكردنی هاریكاریی نێوان هەردوو وڵات.

لەدیدارەكەدا گفتوگۆ لەبارەی میكانیزمەكانی كاراكردنی ڕ‌ێككەوتننامەی ئاڵوگۆڕ‌ی سزادراوانی نێوان كۆماری عیراق و كۆماری لوبنان كرا، ئەمەش دوای پەسندكردنی لەلایەن پەرلەمانی عیراقەوە، بۆ لەباركردنی زەمینەی جێبەجێكردنی و دەستپێكردنی ڕ‌ێكارەكانی گواستنەوەی سزادراوان لەنێوان بەغداد و بەیروت، بەمەش هاریكاری دووقۆڵی پتەوتر دەكات و رەهەندە مرۆییەكانی ر‌ێككەوتننامەكە بەرجەستە دەكات.

هەردوولا جەختیان لەگرنگی پەرەپێدانی پەیوەندییە دووقۆڵییەكان و فراوانكردنی بوارەكانی هاریكاری هاوبەش و بەشداریكردن لەچەسپاندنی پەیوەندییە برایەتییەكان و خزمەتكردنی بەرژەوەندییە هاوبەشەكانی عیراق و لوبنان كردەوە.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket