نوێنەرانی مامۆستایانی وانەبێژی لادراو لەگەڵ فراكسیۆنی یەكێتی كۆدەبنەوە

PUKMEDIA

فراكسیۆنی یه‌كێتیی نیشتمانیی كوردستان له‌ ئه‌نجومه‌نی نوێنه‌رانی عیراق

نوێنەرانی مامۆستایانی وانەبێژی لادراو، لەگەڵ فراكسیۆنی یەكێتی و بەشێك لەفراكسیۆنە كوردستانییەكانی ئەنجومەنی نوێنەران كۆبوونەوەو بەڵێنیان پێدرا لەكاتی تێپەڕاندنی بودجەدا مافەكانیان بەیاسا جێگیر بكرێت.

نوێنەری گشتی و نوێنەری گەرمیانی مامۆستایانی وانەبێژی لادراو، لەگرتەیەكی ڤیدیۆیدا رایانگەیاند: لەنووسینگەی ئەنجومەنی نوێنەرانی عیراق، لەگەڵ فراكسیۆنی یەكێتیی نیشتمانیی كوردستان و بەشێك لەفراكسیۆنە كوردستانییەكان كۆبووینەوەو بەڵێنیان پێداین هاوپێچ لەگەڵ نووسراوی گرێبەستەكان، لەكاتی تێپەڕاندنی بودجەدا بەیاسا مافەكانمان جێگیر بكرێت.

راشیانگەیاند: هاوكات بەڵێنیان پێداین لینكێكمان لەگەڵ وەزارەتی پەروەردەی حكومەتی هەرێم بۆ دروست بكەن، بۆ ئەوەی كار بۆ ئەو 700 مامۆستا گرێبەستە بكەین كەپێشتر ناوەكانیان ئاڕاستەی ئەنجومەنی نوێنەرانی عیراق كراوەو بەردەوامیش دەبین لەهەوڵەكانمان.

PUKMEDIA