مەزڵوم عەبدی و ئەحمەد شەرع تاوتوێی چەند پرسێك دەكەن

هاوار نيوز

كۆبوونەوەی مەزڵوم عەبدی و ئەحمەد شەرع

مەزڵوم عەبدی، فەرماندەی گشتی هێزەكانی سوریای دیموكرات گەیشتە دیمەشق و لەلایەن ئەحمەد شەرع، سەرۆك كۆماری سوریاوە پێشوازی لێكراو لەكۆبوونەوەیەكدا تاوتوێی هەنگاوەكانی پەیوەست بەتێكەڵكردنی پێكهاتە ئیداری و سەربازییەكان كرا.

مەزڵوم عەبدی، فەرماندەی گشتی هێزەكانی سوریای دیموكرات و ئیلهام ئەحمەد، هاوسەرۆك و لێپرسراوی  پەیوەندییەكانی دەرەوەی ئیدارەی خۆبەڕێوەبەری گەیشتنە دیمەشق و لەلایەن ئەحمەد شەرع، سەرۆك كۆمارو ئەسعەد شەیبانی، وەزیری دەرەوە پێشوازیان لێكرا.

لە كۆبوونەوەكەدا تیشك خرایە سەر تەواوكردنی پڕۆسەی یەكگرتن لەناو دامەزراوەكانی دەوڵەت و زیاتركردنی هەماهەنگی و بەدواداچوون لەبارەی هەنگاوەكانی پەیوەست بەتێكەڵكردنی پێكهاتە ئیداری و سەربازییەكان لەدامەزراوەكانی دەوڵەت.

PUKMEDIA