پێشبینی لێزمە باران و هەورە تریشقە دەكرێت

PUKMEDIA

باران بارين

كەشناسی هەرێم رایدەگەیەنێت: ئەگەری باران بارین و گەواڵە بارانی كورت خایەن و لێزمە باران و هەورە تریشقە هەیەو پلەكانی گەرماش بەرز دەبنەوە.

كەشناسی هەرێم كەشی پێشبینیكراوی 48 سەعاتی داهاتووی بڵاوكردەوەو بەپێی پێشبینییەكان، ئەمڕۆ پێنجشەممە  9ی 4ی 2026، ئەگەری باران بارین لەناوچە جیا جیاكان و بەتایبەت لەناوچە شاخاوییەكان هەیە، هاوكات لەهەندێك كاتدا باران بەشێوەی بارانی بەهاری و گەواڵە بارانی كورت خایەن و لێزمە باران و هەورە تریشقە دەبێت.

راشیگەیاند: پلەكانی گەرما كەمێك بەرز دەبنەوە، بەشێوەیەك بەرزترین پلەكانی گەرمای پێشبینیكراو بۆ ئەمڕۆ بەمشێوەیە دەبێت:

هەولێر: 19 پلەی سیلیزی 
سلێمانی: 17 پلەی سیلیزی
دهۆك: 19 پلەی سیلیزی
هەڵەبجە: 19 پلەی سیلیزی
پیرمام: 15 پلەی سیلیزی
گەرمیان: 22 پلەی سیلیزی
سۆران: 15 پلەی سیلیزی 
حاجی ئۆمەران: 9 پلەی سیلیزی 
چەمچەماڵ: 19 پلەی سیلیزی
زاخۆ: 19 پلەی سیلیزی 

كەشناسی راشیگەیاندووە: سبەی  هەینی  10ی 4ی 2026، ئەگەری باران بارین لەناوچەی جیا جیاكان هەیە ،بە تایبەت لەناوچە شاخاوییەكان و سنووری پارێزگای دهۆك و ئیدارەی سۆران كە هەندێك كاتدا باران بارین بە شێوەی لێزمە باران و هەورە تریشقە دەبێت. 

كەشناسی ئاماژەی بەوەشكردووە: پلەكانی گەرما بەنزیكی 1 تا 3 پلە بەرزتر دەبنەوەو بەرزترین پلەكانی گەرمای پێشبینیكراویش بەپلەی سیلیزی بەمشێوەیە دەبێت:

هەولێر: 21 پلەی سیلیزی 
سلێمانی: 20 پلەی سیلیزی
دهۆك: 21 پلەی سیلیزی
هەڵەبجە: 22 پلەی سیلیزی
پیرمام: 18 پلەی سیلیزی
گەرمیان: 24 پلەی سیلیزی
سۆران: 18 پلەی سیلیزی 
حاجی ئۆمەران: 10 پلەی سیلیزی 
چەمچەماڵ: 21 پلەی سیلیزی
زاخۆ: 21 پلەی سیلیزی 

PUKMEDIA