گۆڕینی ناوی فڕۆکەخانەی سلێمانی بۆ جەلال تاڵەبانی فەرمانی بۆ دەرچوو

PUKMEDIA

فرۆکەخانەی سلێمانی

سەرۆکوەزیرای عیراق رێنمایی دەرکرد بۆ گۆڕینی ناوی فڕۆکەخانەی سلێمانی بۆ فڕۆکەخانەی نێودەوڵەتی جەلال تاڵەبانی.

نوسینگەی رۆژنامەوانی سەرۆکوەزیرانی عیراق رایگەیاندوە: "ئەمڕۆ هەینی 3-10-2025 محەمەد شیاع سودانی، سەرۆکوەزیرانی عیراق، رێنمایی دەرکرد کە ناوی فڕۆکەخانەی سلێمانی بگۆڕدرێت بۆ فڕۆکەخانەی نێودەوڵەتی جەلال تاڵەبانی، ئەمەش بە پشتبەستن بە داواکارییەکی پێشوو کە لەلایەن دامەزراوەی سەرۆک جەلال تاڵەبانی پێشکەشکرابوو".

لە ڕاگەیەندراوەکەدا ئاماژە بەوەشکراوە، "ئەم رێنماییە لە پێزانین و داننان بە رۆڵی مێژوویی سەرۆکی کۆچکردوو و خەباتی درێژخایەنی ئەو لە دژی رژێمی دیکتاتۆر دێت".

PUKMEDIA