دەرباز کۆسرەت رەسوڵ: یەکێتی کار بۆ پاراستنی مافی پێکهاتەکان دەکات

PUKMEDIA

سەردانی دەرباز کۆسرەت رەسوڵ بۆلای سەرۆکی ئەساقیفەی ئیبرەشیەی کلدانی و سەرۆکی ئەبرشیەی حدیاب-ی لە تایفەی سریانی کاسۆلیک

ئەمرۆ چوارشەممە 3-4-2024، لەشاری هەولێر دەرباز کۆسرەت رەسوڵ ئەندامی مەکتەبی سیاسی یەکێتیی نیشتمانیی کوردستان سەردانی مەتران بەشار مەتی وەردە، سەرۆکی ئەساقیفەی ئیبرەشیەی کلدانی هەولێر و مەتران نسنائیل نزار سەرۆکی ئەبرشیەی حدیاب-ی لە تایفەی سریانی کاسۆلیک کرد.

لەدیدارێکدا‎دەرباز کۆسرەت رەسوڵ جەختی کردەوە کە هەرێمی کوردستان ناوچەیەکی ئارامە بۆ تەواوی ئاین و مەزهەبە جیاوازەکان و رایگەیداند: "‎لەسۆنگەی پێکەوەژیانی نێوان گشت پێکهاتەکانی کوردستان، وەک یەکێتیی نیشتمانیی کوردستان لە پەرلەمانی داهاتووی هەرێمی کوردستان کار لەسەر یاساییەکی گشتگیری هەڵبژاردن دەکەین بەڕاوێژ لەگەڵ هەموو لایەنە سیاسییەکان بۆ پاراستنی مافی پێکهاتەکان و کورسی کریستیانەکان کە نوێنەرایەتی ڕاستەقینەی کریستیانەکان بن لەهەرێمی کوردستان ."
PUKMEDIA