هاوخەمییەکان بۆ کۆچی دوایی رێباز بابان

PUKMEDIA

کۆچکردوو رێباز بابان

شەوی رابردوو رێباز بابان پێشمەرگە و راگەیاندکاری دێرینی شاخ و شار و ئەندامی ئەنجومەنی راوێژکاری بۆردی راگەیاندن، بە نۆبەی دڵ کۆچی دواییکرد، لەوچوارچێوەیەشدا ژمارەیەک پرسەنامە و هاوخەمی ئاڕاستەی بنەماڵەکەی کراوە کە ئەمانەی خوارەوە دەقەکانیانە:

هاوخەمی سەرۆک بافڵ

بەڕێزان کەسوکاری  تێکۆشەر و رۆژنامەنووسی دێرین کاک ڕێباز حەمید

بەداخێکی زۆرەوە هەواڵی کۆچی دوایی رێباز حامید، پێشمەرگەی دێرین و رۆژنامەنووسمان پێگەیشت.

پرسە و هاوخەمیی قووڵی خۆمان ئاڕاستەی بەڕێزتان دەکەین و هاوبەش خەمتانین.

لەخوای گەورە داواکارین هەڤاڵی کۆچکردوومان بە بەهەشتی بەرین شادبکات و سەبووری بەهەموولایەک ببەخشێت.


دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان

هاوخەمی مەکتەبی سیاسی

بەڕێزان کەسوکار وخانەوادەی  تێکۆشەر و ڕاگەیاندنکاری  دێرین  کاک ڕێباز حەمید

بەداخەوە هەواڵی کۆچی دوایی کاک  ڕێبازمان بیست ، بۆ ئەم خەمە پرسە و ماتەمی خۆمان بە خانەوادە تێکۆشەرەکەتان  ڕادەگەیەنین.

  هەڤاڵ ڕێباز حەمید ناسراو بە ڕێباز بابان وەک تێکۆشەرێکی  ماندونەناس  لەڕیزەکانی یەکێتی لە بوارەکانی   پێشمەرگەی مەیدانی  و ئیداری و ڕاگەیاندندا ڕۆڵێکی دیاری  هەبوو ، لەپاش ڕاپەڕینیش لە ئێزگەی  دەنگی  گەلی کوردستان و چاپخانەی  کەرکوک لە  مەکتەبی  ڕاگەیاندن  جێگەی دەستی دیار بوو ، تا ڕۆژی کۆچی دوایی  ئەندامی ئەنجومەنی  ڕاوێژکاریی  بۆردی  ڕاگەیاندن بو لەمەکتەبی ڕاگەیاندن وهۆشیاری.

لەیەزدانی مەزن  داواکارین سەبوری  و ئارامی بەئێوە  ببەخشێت  و کۆچکردوو  بەبەهەشتی بەرین  شاد بکات  .


مەکتەبی سیاسی  
یەکێتیی نیشتمانیی کوردستان


هاوخەمی قوباد تاڵەبانی

 
بەڕێزان خێزان و خانەوادەی کۆچکردوو رێباز بابان

بەبیستنی هەواڵى کۆچی دوایی (رێباز بابان)، نیگەران و دڵگران بووم.

کۆچکردوو رێباز بابان پێشمەرگەی دێرین و  دانەبڕاو و کادیری راگەیاندن لە دەنگی گەلی کوردستان و بەڕێوەبەری پێشووی چاپخانەی شەهید ئازاد هەورامی، دوا پلەشی ئەندامی ئەنجومەنی راوێژکاری مەکتەبی راگەیاندن بوو کۆچکردنی جێگای داخە.

بۆ ئەم خەمە، پرسە و سەرەخۆشی لەخۆتان و خانەوادە نیشتمانپەروەرەکەتان ئەکەم، خواى گەورە لەکۆچکردوو خۆش بێت و جێگەی بەهەشت بێت، سەبورى و دڵنەواییش بەهەموو لایەک ببەخشێت.

انا لله وانا اليه راجعون

قوباد تاڵەبانی
لێپرسراوی مەکتەبی سکرتارییەتی سەرۆک مام جەلال

PUKMEDIA