هەرێم کەمال ئاغا: بڕگەی ناڕازی هیچ مەترسییەکی نییە
کوردستان 07:01 PM - 2023-06-18دیداری میدیایی هەرێم کەمال ئاغا
لە
دیدارێکی میدیاییدا لە شاری هەولێر، سەرۆکی فراکسیۆنی یەکێتیی نیشتمانیی کوردستان لە ئەنجومەنی نوێنەرانی
عیراق رایگەیاند، "ئەگەر حکومەتی هەرێمی دڵنیایە لە دادپەروەری، بڕگەی
ناڕازی هیچ مانایەكی نامێنێت، بەڵكو كۆتایی پێدێت".
پێشنیوەڕۆی
ئەمڕۆ یەک شەممە 2023/6/18، بەئامادەبوونی دەرباز کۆسرەت رەسوڵ کارگێڕی مەکتەبی سیاسی و سەعدی
ئەحمەد پیرە ئەندامی مەکتەبی سیاسی و دکتۆر مەجید محمدئەمین لێپرسراوی مەڵبەندی هەولێر
و فەهیمە سابیر ئەندامی سەرکردایەتی و ژمارەیەك کادیری حزبی و حکومی و رێکخراوەیی،
راگەیاندنی مەڵبەندی 3 ی هەولێر دیدارێکی میدیایی بۆ هەرێم کەمال ئاغا سەرۆکی
فراکسیۆنی یەکێتیی لەئەنجومەنی نوێنەرانی عیراق رێکخست .
یەکێتی نایەوێت ببێتە بەشێک لە کێشەکان
سەرۆکی
فراکسیۆنی یەکێتیی رایگەیاند: "دوای هەڵبژاردن یەکێتیی و پارتی بە تیـمێکی
هاوبەش روویان لە بەغدا کرد و لەزۆربەی بابەتەکان هاوڕابووین، بەتایبەت لەسەر ئەوەی
کە ئێمە نامانەوێت ببین بە بەشێك لە کێشەکانی نێوماڵی شیعە، بەڵام بەداخەوە لە کۆتا
شەو رێکەوتنێکی ژێربەژێر کرا، هەموو شتەکان پێچەوانەبوونەوە ".
"یەکێتیی نیشتمانیی
کوردستان وەك هێزێکی داکۆکیکار لەمافەکانی خەڵکی کوردستان، لەدوای ئەم رێکەوتنە ژێربەژێرەی کە لەکۆتاشەو بەرامبەرمان
کرا ئێمە تێگەیشتین ئەو بەڵێنانەی داومانە
ناگونجێت لەگەڵ ئەو قۆناغە و ئەو فەلسەفەیەی کە ئێمە کارمان لەسەریکردووە ، کە ئەویش پاراستنی ژیان و گوزەران و ماف و بەرژەوەندیەکانی
کۆمەڵانی خەڵکی کوردستانە ، کە پەیوەستن بەیەکڕیزی و تەبایی نێوان هێزە کوردستانیەکان"،
هەرێم کەمال ئاغا وادەڵێت.
ئەگەر حکومەتی هەرێم دڵنیایە لە دادپەروەری بۆچی هەست بە مەترسی دەکات
هەرێم
کەمال ئاغا لەدیدارەکەدا تیشکی خستەسەر ئەو مادانەی کە پەیوەندیان بە شایستەکانی خەڵکی کوردستانەوە هەیە بەتایبەتی ماددەکانی 11 و 12
و 13 ی یاساکەی شیکردەوە و هەڵوەستەی لەسەر کرد و سەبارەت بە بڕگەی (ناڕازی) مامەڵە کردنی راستەوخۆی
حکومەتی ئیتحادی لەگەڵ ئەو پاریزگایانەی هەست بە نادادپەروەری دەکەن لەشایستەکانیان
ئاماژەی بەوەدا: "نازانم مەترسی ئەم برگەیە چیە کە لە ماددەی 13 لە برگەی 8ی یاسای
بودجەدا جێگیرکراوە، ئەگەر حکومەتی هەرێمی دڵنیایە لە دادپەروەری، ئەم بڕگەیە هیچ مانایەكی نامێنێت بەڵكو كۆتایی پێدێت".
"سەبارەت بەگێڕانەوەی پاشەکەوتی موچەی خانەنشینان و فەرمانبەرو
مامۆستا و پێشمەرگە پۆلیس و ئاسایشی کوردستان، فراکسیۆنی یەکێتیی نیشتمانیی
کوردستان هەوڵی زۆرو بێوچانماندا بۆ گێڕانەوەی قانونیانەی ئەو مافە، بەڵام بەداخەوە
دەنگی نەهێنا، بۆیە ئێمە وەكو فراكسیۆنی یەكێتی کۆڵ نادەین و هەموو رێگەیەك دەگرینەبەر
بۆ گێڕانەوەی ئەم مافەی موچەخۆرانی کوردستان "، سەرۆکی فراکسیۆنی یەکێتی لە ئەنجومەنی نوێنەرانی عیراق وادەڵێت.
سەرۆک بافڵ هەمیشە تەئکیدی لە یەکڕیزی کردووەتەوە
هەرێم
کەمال ئاغا وتیشی: "هەوڵ و تێکۆشان و کۆبونەوەو سەردانە بەردەواکانی سەرۆك بافڵ جەلال تاڵەبانی بۆ بەغدا
کە هەمیشە تەئکیدی لەم یەکڕیزی و تەباییە دەکردەوە، کارەکانی ئێمەی زۆر ئاسانتر
کردبوو بۆ پاراستنی مافەکانی خەڵکی کوردستان و راگرتنی ئەم هاوسەنگیەی کەسەقامگیری
هەرێمی کوردستانی پێوە بەندبووە، بەڵام ناتەبایی و لێكترازانی نێوماڵی كورد لە هەرێمی كوردستان رەنگدانەوەی رۆژ بەرۆژ
زیاتر بوو، تا گەیشتتین بە ئەمڕۆ".
ئاماژەی بەوەشدا: "بەداخەوە لەدوای وەفاتی سەرۆك مام جەلال کورد نەیتوانیوە بە یەك
تیم و بە تەبایی لە بەغدا کار لەسەر ئەو ئامانجانە بکات کەگرەنتی ماف و شایستەکانی خەڵکی کوردستان دەپارێزێت. روونیشیکردەوە،
ئەو ناتەباییەی لە پەرلەمانی کوردستانیشدا روویدا، رەنگدانەوەی راستەوخۆی هەبوو لەسەر
لێکترازانمان لە بەغدا".
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16