بەڵێنی باش و مژدەبەخش بوون

PUKMEDIA

سەرۆكی حكومەت

قسەكانی دوێنێی سەرۆكی حكومەت لەدژی خاكفرۆشی، گەندەڵی، تیرۆر و تۆقاندن و سەرانەوەرگرتن، بەڵێنی باش و مژدەبەخش بوون، دەمێكە نیشتمانپەروەرانی كوردستان بە ئاواتی بەڵێن و سۆزدانی وابوون .

ئێستا، كە لە بەرزترین ئاستی بەرپرسیارێتی حكومەتیدا قسە لەسەر ئەم دیاردە دزێوانە بكرێت و دژی بوەستنەوە، كارێكی باشە و داخوازی هەموو خەڵكی كوردستانە.

هەموو توێژەكان و هەموو حزب و لایەنە رەسەنەكان دڵیان بەوە خۆشە، كە هەم خاكفرۆشی و هەم دیاردە ناپەسەندەكانی تری باسی كردوون، بنەبڕ بكرێن و كوردستان لەم تاعونە رزگاری بێت.

بەڵام قسە راشكاوەكانی سەرۆكی حكومەت لەو بەشەدا  نا روونە كە دەڵێت:" ناتوانین لەگەڵ ئەوانە یەكڕیز و هاوبەش و بەشدار بین"،  چونكە ئەم بڕگانەی وەك مەنەلۆجی ناوخۆیی وایە.

بەشی مۆنیتەرینگی PUKMEDIA